ଅଭିଯୋଗ ନାହିଁ
ଗଣନା ୧୪:୧-୧୨
ବଚସା ଓ ତର୍କବିତର୍କ ବିନା ସମସ୍ତ କାର୍ଯ୍ୟ କର । (ଫିଲୀପ୍ପୀୟ ୧:୧୪)
ଯଦି ଆମେ ଗୋଟିଏ ଦିନ ପାଇଁ ଆମ କଥାବାର୍ତ୍ତାର ଏକ ରେକର୍ଡିଂ ଶୁଣିବା, ତେବେ ଆମେ ଯେ ନିଶ୍ଚୟ ଆଶ୍ଚର୍ଯ୍ୟ ହେବା, ଏଥିରେ ସନ୍ଦେହ ନାହିଁ । ଆମେ କେତେ ବିରକ୍ତ ହୋଇଛୁ ଓ କେତେ ଅଭିଯୋଗ କରିଛୁ ତାହା ଶୁଣି ଆମେ ଆଚମ୍ବିତ ହେବା ।
ପିଲାମାନେ ଗୃହ କାର୍ଯ୍ୟ କିମ୍ବା ବାସନ ଧୋଇବା ବିଷୟରେ ଅଭିଯୋଗ କରନ୍ତି । ପରିବାରର ପ୍ରତ୍ୟେକ ଜଣଙ୍କ ପଛରେ ଏତେ ଅଧିକ ସମୟ କାଟୁଥିବାରୁ ମା' ଅଭିଯୋଗ କରନ୍ତି । ପିତା ଗୃହକୁ ଫେରି ନିଜର କର୍ତ୍ତା ଓ କାର୍ଯ୍ୟ ବିଷୟରେ କଟୁ ମନ୍ତବ୍ୟ ଦିଅନ୍ତି । ଆଉ ଏହିପରି ଦିନସାରା ଲାଗିରହେ ।
ଆଜିର ବାଇବଲ ପାଠରେ, ଆମେ ମିଶରରୁ ବାହାରି ଆସିଥିବା ଇସ୍ରାଏଲ ସନ୍ତାନଗଣର ଅଭିଯୋଗ ଶୁଣୁ (ଗଣନା ୧୪:୨-୩) । ସେମାନଙ୍କ ନିମନ୍ତେ ଈଶ୍ଵର କରି ସାରିଥିବା ସମସ୍ତ କାର୍ଯ୍ୟପରେ ସେମାନେ କୃତଜ୍ଞ ରହିବା ଓ ତାଙ୍କର ଆଜ୍ଞପାଳନ କରିବା ଉଚିତ୍ ଥିଲା । ମାତ୍ର ସେମାନଙ୍କର ଅବିଶ୍ବାସ ଓ ଅବଧ୍ୟତା ଯୋଗୁ, ଗୋଟିଏ ସମଗ୍ର ପିଢ଼ୀ ପ୍ରତିଜ୍ଞାତ ଦେଶରେ ପହଞ୍ଚି ପାରି ନ ଥିଲେ (୨୩ପଦ)
ଆଜି ମଧ୍ୟ, ଅଭିଯୋଗକାରୀମାନେ ଈଶ୍ଵରଙ୍କର ଆଶୀର୍ବାଦ ହରାଇ ସେମାନଙ୍କ ଚତୁଃପାଶ୍ୱସ୍ଥ ଲୋକମାନଙ୍କ ମଧ୍ୟରେ ନିରୁତ୍ସାହ ପ୍ରସାରଣ କରୁଛନ୍ତି । ସେହି ପ୍ରକାର ମନୋଭାବ ଜଣେ ଖ୍ରୀଷ୍ଟ ଅନୁଗାମୀ ପାଇଁ ଅନୁପଯୁକ୍ତ ଅଟେ । ଅଗ୍ରଣୀ ମିଶନାରୀ ହଡ୍ ସନ୍ ଟେଲର୍ କହିଥିଲେ, "ତୁମେ ଜଣେ ଖ୍ରୀଷ୍ଟିୟାନ ହେଲେ ମଧ୍ୟ ତୁମର ପିତା ଓ ମାତା, ତୁମର ଭଉଣୀ ଓ ଭାଇ, ହଁ ଏପରିକି ତୁମ ଗୃହରେ ଥିବା ବିଲେଇ ଓ କୁକୁର ସୁଦ୍ଧା ଯଦି ସୁଖୀ ନୁହଁନ୍ତି, ତେବେ ତୁମେ ବାସ୍ତବରେ ଖ୍ରୀଷ୍ଟିୟାନ ଅଟ କିମ୍ବା ନୁହଁ, ଏହା ଏକ ପ୍ରଶ୍ନ ଅଟେ।"
ଆମର ବାକ୍ୟ ପ୍ରଭୁଙ୍କୁ ଗୌରବ ଦିଏ କି ? ତାଙ୍କୁ ବିଶ୍ଵାସ କରି ତାଙ୍କର ବାଧ୍ୟ ହେବା ପାଇଁ ଆମେ ଆନନ୍ଦ ଓ ଉତ୍ସାହ ପ୍ରସାରଣ କରୁ କି ?