ଆପଣ କାର୍ଯ୍ୟ କରୁଅଛନ୍ତି କି?

 ଆପଣ କାର୍ଯ୍ୟ କରୁଅଛନ୍ତି କି ? 

ଏଫିସୀୟ ୪:୭-୧୬

……. ପ୍ରତ୍ୟେକ ଅଂଶର କାର୍ଯ୍ୟସାଧକ ଶକ୍ତି ଅନୁସାରେ……(ଶରୀର) ନିଜର ବୃଦ୍ଧିସାଧନ କରୁଅଛି। (ଏଫିସୀୟ୪:୧୬)

ମୁଁ ଏପରି ଗୋଟିଏ ରାସ୍ତାରେ ଗାଡ଼ି ଚଳାଉଥିଲି, ଯେଉଁ ରାସ୍ତାରେ ପ୍ରାୟ କେହି ଯାତ୍ରା କରନ୍ତି ନାହିଁ । ହଠାତ୍, ମୋର ଗାଡ଼ି ଧୀର ହୋଇଗଲା, ଓ ଗୋଟିଏ ମୁହୂର୍ତ୍ତ ପାଇଁ ଫଟ୍ ଫଟ୍ ଶବ୍ଦ କରି ଗୋଟିଏ ଶେଷ ଝଟକା ସହିତ ବନ୍ଦ ହୋଇଗଲା। ସେଠାରେ ମୋ' ପାଖରେ କେବଳ ଗୋଟିଏ ପେଚକଷ ଓ ଗୋଟିଏ ପ୍ଲାସ ଥିଲା ଓ ଗୋଟିଏ ମରାମତି ମିସ୍ତ୍ରୀଠାରୁ ମୁଁ ମାଇଲ୍ ମାଇଲ୍ ଦୂରରେ ଥିଲି । ପୁଣି ମୁଁ କାର୍ ଇଞ୍ଜିନ୍ ବିଷୟରେ କିଛି ଜାଣି ନ ଥିଲି । 

ମୁଁ କାରର ହୁଡ ଟେକି ଚାରିଆଡ଼କୁ ଚାହିଁଲି, ମାତ୍ର ସବୁ କିଛି ଠିକ୍ ଥିଲା ଭଳି ଲାଗିଲା। ସେତେବେଳେ ସେହି ବାଟ ଦେଇ ମୋର ଜଣେ ବନ୍ଧୁ ଆସୁଥିଲେ । ସେ କାରର କାରବ୍ୟୁରେଟର ଖୋଲି କହିଲେ, "ଯଥେଷ୍ଟ ତେଲ ଅଛି ।" ଏହାପରେ ସେ ପେଚକଷକୁ କିଛି ବିଦ୍ୟୁତ୍ ଯୋଗାଯୋଗ ମଧ୍ୟରେ ରଖିଲେ ଓ କହିଲେ, "ଆହା - ବିଦ୍ୟୁତ୍ ପ୍ରବାହ ବିଚ୍ଛିନ୍ନ ହୋଇଛି । "ଅତି ଶୀଘ୍ର ସେ ଏପରି ଗୋଟିଏ ହୁଗୁଳା ତାର ଆବିଷ୍କାର  କଲେ, ଯାହା ମୋଟରର ଗତିକୁ ବନ୍ଦ କରି ଦେଇଥିଲା । 

ଠିକ୍ ଯେପରି ଇଞ୍ଜିନ୍ନର କ୍ଷୁୁଦ୍ର ଅଂଶଗୁଡିକ ଏହାକୁ  ଗତିଶୀଳ ରଖିବାରେ ଅପରିହାର୍ଯ୍ୟ ଅଟନ୍ତି, ସେହିପରି ଖ୍ରୀଷ୍ଟଙ୍କ ଶରୀରରର ଅର୍ଥାତ୍ ମଣ୍ଡଳୀର ପ୍ରତ୍ୟେକ ସଦସ୍ୟ ଗୁରୁତ୍ୱପୂର୍ଣ୍ଣ ଅଟନ୍ତି । ଆପଣଙ୍କ କାର୍ଯ୍ୟ ସମ୍ପନ୍ନ କରିବାରେ ବିଫଳତା ହୁଏତ ସମଗ୍ର ଶରୀରକୁ ଯଥାର୍ଥଭାବେରେ କାର୍ଯ୍ୟକ୍ଷମ ହେବାରେ ବାଧା ଦେଇପାରେ ।ପ୍ରାର୍ଥନା କରିବାରେ ଆପଣଙ୍କ ବିଫଳତା  ହୁଏତ ଶକ୍ତି ହ୍ରାସର କାରଣ ହୋଇପାରେ । ସାକ୍ଷ୍ୟ ଦେବାରେ ଆପଣଙ୍କ ବିଫଳତା ଯୋଗୁ ହୁଏତ କେହି ଜଣେ ସୁସମାଚାର ଶୁଣେ ନାହିଁ । ମଣ୍ଡଳୀକୁ ଆପଣଙ୍କ ଅର୍ଥ ସହାୟତାରେ ବିଫଳତା ହୁଏତ ପ୍ରଚାର କାର୍ଯ୍ୟ କିମ୍ବା ସେବାକାର୍ଯ୍ୟକୁ ହ୍ରାସ କରିପାରେ । ଆପଣଙ୍କ କ୍ଷୁଦ୍ର ଭୂମିକାକୁ ଯଦି ଅବହେଳା କରାଯାଏ, ତେବେ ଏହା ବଡ଼ ବଡ଼  ସମସ୍ୟା ସୃଷ୍ଟି କରିପାରେ । ଆପଣ ନିଜର କାର୍ଯ୍ୟ କରୁଅଛନ୍ତି କି !