ଲଜ୍ଜିତ ନହେବା ପାଇଁ ତାହାଙ୍କଠାରେ ରୁହ

 ଲଜ୍ଜିତ ନହେବା ପାଇଁ ତାହାଙ୍କଠାରେ ରୁହ

୧ଯୋହନ ୨:୨୮-୩:୩

ତାହାଙ୍କଠାରେ ରୁହ, ଯେପରି… ତାହାଙ୍କ। ଆଗମନ ସମୟରେ ତାହାଙ୍କ ଛାମୁରେ ଆମ୍ଭେମାନେ ଲଜ୍ଜିତ ନ  ହୋଇ ସାହସ ପ୍ରାପ୍ତ ହେବା।  (୧ଯୋହନ ୨:୨୮)

ରାଜପଥରେ ସେଦିନ ଅସମ୍ଭବ ଜନଗହଳି ହୋଇଥାଏ। ମୋଟର ଗାଡିଗୁଡିକ ଲମ୍ବା ଧାଡ଼ି ଠିଆ ହୋଇଥା'ନ୍ତି। ଅନେକ ଜାଣି ନ ଥା'ନ୍ତି, କାହିଁକି ଏତେ ଜନଗହଳି ଏବଂ ଘଟଣା କ'ଣ ହୋଇଛି? କିନ୍ତୁ ଲୋକମାନଙ୍କ ମଧ୍ୟ ଏହି କଥା ପ୍ରଘଟ ହୋଇ ଯାଇଥାଏ ଯେ, ପାଖରେ ଥିବା ଏକ ଜଳାଶୟ ମଧ୍ୟରେ ଖ୍ରୀଷ୍ଟଙ୍କର ଛବି ପ୍ରତିଫଳିତ ହେଉଛି। ଅନେକ ଦେଖଣାହାରୀ ମତ ପ୍ରକାଶ କରି କହିଲେ ଯେ, ଏହି ଅପରିଷ୍କାର ଓ କଳଙ୍କିତ ଜଳାଶୟର ପୃଷ୍ଟ ଭାବାରେ ଏପରି ଏକ ପ୍ରତିଫଳିତ ସୃଷ୍ଟି ହୋଇଛି, ଯାହା କି ଯୀଶୁଙ୍କର ଆକୃତି ପରି ଦିଶୁଛି। ସେହି ଭିଡ଼ ଭିତରେ ଅଟକି ରହିଥିବା ଗୋଟିଏ ଗାଡି ଚାଳକର ମନ୍ତବ୍ୟ ସବୁଠାରୁ ଉଲ୍ଲେଖନୀୟ ଥିଲା। ଯେତେବେଳେ ସେ ନିଜ ଗାଡ଼ିର ଝରକା ବାଟେ ମୁଣ୍ଡ କାଢି ଅନ୍ୟ ଜଣେ ଲୋକକୁ ଘଟଣା କ'ଣ ବୋଲି ପଚାରିଲେ, ସେହି ଲୋକଟି ତା'ର ମୁଖକୁ ଅନେଇ କହିଲା, "ଯୀଶୁ ଏହିଠାରେ ଅଛନ୍ତି"! ଉକ୍ତ ଗାଡ଼ି ଚାଳକ ପରେ ତାଙ୍କର ପ୍ରତିକ୍ରିୟା ପ୍ରକାଶ କରି କହିଲେ, "ପ୍ରଭୁ ଯୀଶୁ ଏହିଠାରେ ଅଛନ୍ତି" ଏହି କଥା ମୁଁ ପ୍ରଥମେ କିଛି ମୁହୂର୍ତ୍ତ ପାଇଁ ମୁଁ ଭୟଭୀତ ହୋଇ  ପଡ଼ିଲି। କାରଣ ଏତେ ଶୀଘ୍ର ବିଚାର ଦିନର ସମ୍ମୁଖୀନ ହେବାକୁ ମୁଁ ପ୍ରସ୍ତୁତ ନ ଥିଲି।"

ଉକ୍ତ ଗାଡ଼ି ଚାଳକଙ୍କର ପ୍ରତିକ୍ରିୟା ଆମ୍ଭମାନଙ୍କ ପାଇଁ ଅନେକ ପ୍ରଶ୍ନ ଉତ୍ଥାପନ କରେ । ପ୍ରଭୁ ଯୀଶୁ ଯେତେବେଳେ ବାସ୍ତବରେ ପୁନରାଗମନ କରିବେ, ଆମେ ସେତେବେଳେ କି ପ୍ରକାର ଅନୁଭବ କରିବୁ? ଆମ୍ଭେମାନେ ଆନନ୍ଦରେ ବିଭୋର ହେବୁ କିମ୍ବା ଭୟଭୀତ ହେବୁ? ପ୍ରେରିତ ଯୋହନ ତାଙ୍କ ପତ୍ରରେ ଦର୍ଶଯାଇଛନ୍ତି ଯେ, ଏହି ପ୍ରଶ୍ନ ଏକ ଭବିଷ୍ୟତର ପ୍ରଶ୍ନ ନୁହେଁ (୧ ଯୋହନ ୨:୨୮)। ବର୍ତ୍ତମାନ ଖ୍ରୀଷ୍ଟଙ୍କ ସହିତ ଆମ୍ଭମାନଙ୍କର କିପ୍ରକାର ସମ୍ପର୍କ ରହିଛି, ଏହି ପ୍ରଶ୍ନ  ତା' ସହିତ ଗଭୀର ଭାବେ ଜଡ଼ିତ। ଆମେ ବର୍ତ୍ତମାନ ତାହାଙ୍କୁ ପ୍ରେମ କରିବା, ତାହାଙ୍କ ଉପରେ ଭରସା ରଖିବା, ତାହାଙ୍କର ବାଧ୍ୟ ହେବା ଏବଂ ତାହାଙ୍କୁ ଅଗ୍ରାଧିକାର ଦେବା। ତା' ହେଲେ ତାହାଙ୍କ ଆଗମନ ସମୟରେ ଆମେ କେବେହେଲେ ଲଜ୍ଜିତ ହେବା ନାହିଁ।