ନେତୃତ୍ଵ ଶିକ୍ଷା

 ନେତୃତ୍ଵ ଶିକ୍ଷା

ଯିହୋଶୂୟ ୧:୧-୯

…...ବାକ୍ୟରେ, ଆଚରଣରେ, ପ୍ରେମରେ, ବିଶ୍ଵାସରେ ଓ ପବିତ୍ରତାରେ ବିଶ୍ବାସୀମାନଙ୍କର ଆଦର୍ଶସ୍ୱରୂପ ହୁଅ। 

(୧ ତିମଥି ୪:୧୨)

ଆପଣ ଜଣେ ନେତା ଅଟନ୍ତି । ହଁ, ଆପଣ ! ଆପଣ ହୁଏତ ରାଷ୍ଟ୍ରପତି କିମ୍ବା ଗୋଟିଏ  ଅନୁଷ୍ଠାନର ପରିଚାଳକ ହୋଇ ନ ପାରନ୍ତି।  ମାତ୍ର ଅନ୍ୟମାନଙ୍କର ନେତୃତ୍ଵ ନେବା ପାଇଁ ଅପଣଙ୍କୁ ଆହ୍ୱାନ କରାଯିବ। 

       ଆପଣ ବିଦ୍ୟାଳୟରେ ଶିକ୍ଷା ଦେଉଛନ୍ତି କି ? ତେବେ ଆପଣ ଜଣେ ନେତା । ଆପଣ ଜଣେ ପିତା କିମ୍ବା ମାତା ଅଟନ୍ତି କି? ତେବେ ଆପଣ ଜଣେ ନେତା । ଚାକିରୀ କରନ୍ତି କି? ଆପଣ ଜଣେ ନେତା । ଆପଣଙ୍କ ବନ୍ଧୁମାନେ ଅଛନ୍ତି କି ? ତେବେ ଆପଣ ଜଣେ ନେତା । ଆପଣ ଯାହା ହୋଇଥାନ୍ତୁ, ଅନ୍ୟମାନେ ଆପଣଙ୍କୁ ଦେଖୁଛନ୍ତି ଓ ଆପଣଙ୍କ ଦୃଷ୍ଟାନ୍ତ ଦ୍ଵାରା ପ୍ରଭାବିତ ହେଉଛନ୍ତି । କେହି ଜଣେ କହିଛନ୍ତି, "ଜଣେ ଉତ୍ତମ ନେତା ସେ ଅଟନ୍ତି, ଯିଏ ପଥ ଜାଣନ୍ତି, ସେହି ପଥରେ ଯାଆନ୍ତି ଓ ସେହି ପଥ ଦେଖାନ୍ତି ।"

ଯିହୋଶୂୟ ସେହିପରି ଥିଲେ। ସେ ପଥ ଜାଣିଥିଲେ ଓ ସଦାପ୍ରଭୁଙ୍କର ଆଜ୍ଞାବହ ହୋଇ ସେହି ପଥରେ ଯାଇଥିଲେ ଓ ଦାସ- ନେତୃତ୍ଵ ଯୋଗାଇବା ଦ୍ଵାରା ସେ ପଥ ପ୍ରଦର୍ଶନ କରିଥିଲେ । 

ଯିହୋଶୂୟଙ୍କୁ ଈଶ୍ଵର ଯାହା କହିଥିଲେ, ତା' ପ୍ରତି ଦୃଷ୍ଟିପାତ କରନ୍ତୁ-

• ବଳବାନ୍ ଓ ସାହସିକ ହୁଅ (୬ପଦ) ।

• ଜୀବନ ଯାପନ ପାଇଁ ଈଶ୍ଵରଙ୍କ ସମସ୍ତ ବ୍ୟବସ୍ଥା ପାଳନ କର (୭ପଦ)

• ଈଶ୍ୱର ଯାହା କହିଛନ୍ତି, ସେ ବିଷୟରେ ପ୍ରାୟ ଚିନ୍ତା କର (୮ପଦ)

• ଈଶ୍ୱର ତୁମର ସହବର୍ତ୍ତୀ ବୋଲି ମନେରଖ (୯ପଦ)

     ଆମେ ନେତୃତ୍ୱର ଏହି ସମସ୍ତ ଶିକ୍ଷାକୁ ମନ ମଧ୍ୟରେ ରଖିବା ଆବଶ୍ୟକ, କାରଣ ଲୋକମାନେ ଆମର ଦୃଷ୍ଟାନ୍ତ ଅନୁସରଣ କରୁଛନ୍ତି।ଯଦି ଆମେ ସେଗୁଡିକୁ ଉତ୍ତମ ଭାବେ ଶିକ୍ଷା କରିବା, ତେବେ ଆମେ ସେହି ମାର୍ଗ ଜାଣିବା, ସେଥିରେ ଗମନ କରିବା ଓ ଅନ୍ୟମାନଙ୍କୁ ଦେଖାଇବା, ଯାହା ଈଶ୍ଵରଙ୍କୁ ସନ୍ତୁଷ୍ଟ କରେ - ପୁଣି ଆମେ ଉତ୍ତମ ନେତା ହୋଇପାରିବା ।