କିଏ ନିୟନ୍ତ୍ରଣକାରୀ?

 କିଏ ନିୟନ୍ତ୍ରଣକାରୀ?

ରୋମୀୟ ୮:୧-୧୪

ଯେଣୁ ଯେତେଲୋକ ଈଶ୍ଵରଙ୍କ ଆତ୍ମାଙ୍କ ଦ୍ଵାରା ଚାଳିତ ହୁଅନ୍ତି,ସେମାନେ ଈଶ୍ୱରଙ୍କ ସନ୍ତାନ (ରୋମୀୟ ୮:୧୪)

 

ସ୍ଵଭାବତଃ, ଆମ ସମସ୍ତଙ୍କଠାରେ ଆମ ଜଗତକୁ ନିୟନ୍ତ୍ରଣ କରିବାର ଏକ ଇଛା ରହିଛି। ବାଲ୍ୟକାଳଠାରୁ ଆମେ ଆମ ନିଜର ସ୍ଵାଧୀନ ମାର୍ଗ ପ୍ରତି ଫେରିଥାଉ ଓ ପରିବେଶକୁ, ଭବିଷ୍ୟତକୁ, ଲୋକମାନଙ୍କୁ ଏପରିକି ଈଶ୍ୱରଙ୍କୁ ମଧ୍ୟ ନିୟନ୍ତ୍ରଣ କରିବାକୁ ଚେଷ୍ଟା କରିଥାଉ। ଆମେ ଏହା କରିପାରୁ ନ ଥିବାରୁ, ଶେଷରେ ହତାଶ, ବିଦ୍ରୋହୀ ଓ ସମାଲୋଚକ ହୋଇଯାଉ।

ନିୟନ୍ତ୍ରଣ କରିବା ପାଇଁ ଆମର ଆବଶ୍ୟକତା ଅତ୍ୟଧିକ ଆତ୍ମ ପ୍ରେମରୁ ଉତ୍ପନ୍ନ ହୋଇଥାଏ। ଥରେ ଜଣେ ବାଇବଲ ଶିକ୍ଷକ କହିଥିଲେ, "ସାର କଥା ଏହି ଯେ, ଆମେ ନିଜ ନିଜକୁ ପାଗଳ ପ୍ରାୟ ପ୍ରେମ କରୁ।"

ରୋମୀୟ ୮ ରେ, ପ୍ରେରିତ ପାଉଲ ଏହାକୁ "ଶରୀର" ଆତ୍ମ କୈନ୍ଦ୍ରିକ ମନୋଭାବ ବୋଲି କହିଥିଲେ। ସ୍ଵଭାବତଃ, ଆମେ ଏପରି ବଞ୍ଚୁ, ଯେପରିକି ଆମେ ଶରୀରର ବାଧ୍ୟ ଅଟୁ। ପାଉଲ ଆମକୁ ୧୨ ପଦରେ ଏହା ସ୍ମରଣ କରାଇ ଦେଇଥିଲେ ଯେ ଏହା ସେପରି ନୁହେଁ। ସେ ଏହା ପରେ ଏକ ଫଳପ୍ରଦ ବିକଳ୍ପ ପ୍ରଦାନ କରିଥିଲେ। "ଆମେ ଈଶ୍ୱରଙ୍କ ଆତ୍ମାଙ୍କ ଦ୍ଵାରା ପରିଚାଳିତ ଓ ନିୟନ୍ତ୍ରଣ କରିବା ଭାର ଦେବା ପାଇଁ ଭୟ କରିପାରୁ, ମାତ୍ର ଆମେ ଭୟ କରିବା ଆବଶ୍ୟକ ନୁହେଁ। ମାନବ ନିୟନ୍ତ୍ରଣ ଆମକୁ ବନ୍ଧନଗ୍ରସ୍ତ କରେ, ଈଶ୍ୱରଙ୍କ ନିୟନ୍ତ୍ରଣ ଆମକୁ ସ୍ଵାଧୀନତା ଦିଏ। ମାନବ ନିୟନ୍ତ୍ରଣ ଆଶୁ ଫଳ ଉପରେ ଗୁରୁତ୍ବ ଦିଏ, ଈଶ୍ୱରଙ୍କ ନିୟନ୍ତ୍ରଣ ପରିବର୍ତ୍ତନର ଏକ ଜୀବନବ୍ୟାପି ପ୍ରକ୍ରିୟା ପାଇଁ ଅନୁମତି ଦିଏ।

ଆପଣ କ'ଣ ନିଜକୁ 'ପାଗଳ ପ୍ରାୟ ପ୍ରେମ' କରନ୍ତି? କାହିଁକି ଆପଣଙ୍କ ଜୀବନର ନିୟନ୍ତ୍ରଣ ଈଶ୍ୱରଙ୍କୁ ସମର୍ପଣ କରୁ ନାହାନ୍ତି? ଆପଣଙ୍କୁ ପରିବର୍ତ୍ତନ କରିବା ପାଇଁ ଓ ଅନ୍ୟମାନଙ୍କୁ ପ୍ରେମ କରିବାରେ ଆପଣଙ୍କୁ ସାହାଯ୍ୟ କରିବା ପାଇଁ ତାଙ୍କୁ କହନ୍ତୁ।