ଭିନ୍ନ ପରିଚୟ
ଆଜିର ଚିନ୍ତା
ଋତ ୪:୨-୨୨
ଆମେ କିପରି ଆମ କାର୍ଯ୍ୟ ଦ୍ଵାରା ଭିନ୍ନ ପରିଚୟ ସୃଷ୍ଟି କରିପାରିବା ?
ଋତ ପୁସ୍ତକର ପୂର୍ବ ପୃଷ୍ଟଭୂମି ଅନୁଯାୟୀ ଇସ୍ରାଏଲୀୟମାନଙ୍କ ଈଶ୍ୱରଙ୍କ ମନୋନୀତ ଜାତି ଭାବରେ ଗଣନା କରାଯାଉଥିଲା । ମାତ୍ର ବିଦେଶୀୟମାନଙ୍କ ପ୍ରତି ସେମାନେ ଭେଦଭାବ ପରାୟଣ ଥିଲେ । କିନ୍ତୁ ଋତ ନିଜର କାର୍ଯ୍ୟ ଦ୍ଵାରା ସେସବୁକୁ ବଦଳାଇ ଦେଇଥିଲେ ।
ଆନୁଗତ୍ୟର ଫଳ:
ଋତଙ୍କର ବିବାହ ବୋୟଜଙ୍କ ସହିତ ଅନୁଷ୍ଠିତ ହେଲା । ବୋୟଜ, ରୂତଙ୍କୁ ନିଜ ସ୍ତ୍ରୀ ଭାବରେ ସମଗ୍ର ନଗର ଦ୍ବାରବର୍ତ୍ତୀ ଲୋକ ଓ ପ୍ରାଚୀନମାନଙ୍କ ସମ୍ମୁଖରେ ଗ୍ରହଣ କଲେ । ଈଶ୍ଵର ଋତଙ୍କୁ ଇସ୍ରାଏଲର ବଂଶ ବୃଦ୍ଧିକରିଣୀ କରନ୍ତୁ ବୋଲି ସେମାନେ ଆଶୀର୍ବାଦ କରିଲେ । ଇସ୍ରାଏଲୀୟମାନେ ନିଜକୁ ଶ୍ରେଷ୍ଠ ମଣି ବିଦେଶୀମାନଙ୍କ ପ୍ରତି ଅନେକ ସମୟରେ ଅତ୍ୟାଚାର କରୁଥିଲେ । ମାତ୍ର ୠତ ଜଣେ ବିଦେଶିନୀ ମହିଳା ହୋଇ ମଧ୍ୟ ତାଙ୍କ ଜୀବନ ଏତେ ସୁନ୍ଦର ଥିଲା ଯେ, ସେ ସମସ୍ତଙ୍କ ପ୍ରିୟଭାଜନ ହୋଇପାରିଥିଲେ । ଯେତେବେଳେ ଆମେ ଗୋଟିଏ ଅଜଣା ସ୍ଥାନରେ, ଅଜଣା ଲୋକମାନଙ୍କ ମଧ୍ୟରେ ରହିବା ଆରମ୍ଭ କରୁ, ସେତେବେଳେ ଆମ୍ଭମାନଙ୍କର କେଉଁପ୍ରକାର ବ୍ୟବହାର ଆମକୁ ଅନ୍ୟମାନଙ୍କ ନିକଟରେ ଗ୍ରହଣୀୟ କରାଇପାରିବ, ତାହା ଚିନ୍ତା କରିବା । ଯଦି ସେପ୍ରକାର ସ୍ଥାନରେ ଆମେ ଆଖ ପାଖରେ ଥିବା ଲୋକମାନଙ୍କ ସହିତ ଉତ୍ତମ ସମ୍ପର୍କ ସ୍ଥାପନ କରିପାରି ନାହୁ, ତେବେ ନିଜକୁ ସମୀକ୍ଷା କରିବା ଯେ ଆମର ଭୁଲ କେଉଁଠି ରହିଲା ।
ଇସ୍ରାଏଲ ଇତିହାସରେ ସ୍ଥାନ :
ୠତ ଇସ୍ରାଏଲର ଇତିହାସରେ ଏକ ନୂତନ ଅଧ୍ୟାୟର ଆରମ୍ଭ କରିଥିଲେ ଯଦ୍ୱାରା ୠତଙ୍କ ନାମ ଯୀଶୁ ଖ୍ରୀଷ୍ଟଙ୍କର ବଂଶାବଳୀରେ ମଧ୍ୟ ଉଲ୍ଲେଖ କରାଯାଏ (ମାଥିଉ ୧:୧୫) । ୠତଙ୍କ ଗର୍ଭରୁ ଜନ୍ମିଥିବା ପୁତ୍ର ଓବେଦ୍, ଦାଉଦଙ୍କ ପିତାମହ, ଯିଶୀଙ୍କ ପିତା ଥିଲେ । ଏହି ସମ୍ପୂର୍ଣ୍ଣ ବିବରଣୀ ୠତଙ୍କର ଉତ୍ତମତା, ସାଧୁତା, ବିଶ୍ଵାସ, ତ୍ୟାଗ ଓ ପ୍ରେମର ପୁରସ୍କାର ସ୍ୱରୁପେ ତାଙ୍କୁ ଇସ୍ରାଏଲୀୟମାନଙ୍କ ମଧ୍ୟରେ ଏକ ନୂତନ ଏବଂ ସ୍ବତନ୍ତ୍ର ପରିଚୟ ମିଳିଥିଲା । ପରମେଶ୍ବର ତାଙ୍କ ଅବସ୍ଥାର ସମ୍ପୂର୍ଣ୍ଣ ପରିବର୍ତ୍ତନ କରି ବୈଧବ୍ୟ ଅବସ୍ଥାର ନୂତନ ପରିବାର ଗଠନ କରିବା ନିମନ୍ତେ ଏକ ମୁକ୍ତି କର୍ତ୍ତାଙ୍କର ବଂଶଧର ମାତାମହୀ ହେବାର ଗୌରବ ପ୍ରଦାନ କଲେ । ତେଣୁ ଆମ ଜୀବନର ଉତ୍ତମତା ଆମ ଜୀବନରେ ଆଶୀର୍ବାଦ ଆଣିଦିଏ ପୁଣି ତାହା ଅନ୍ୟମାନଙ୍କ ନିମନ୍ତେ ଆଶୀର୍ବାଦର କାରଣ ହୋଇଥାଏ । ଆମେ ଯଦି ଆମ ଆହ୍ଵାନରେ ବିଶ୍ଵସ୍ତ, ତେବେ ଆମେ ଈଶ୍ୱରଙ୍କର ବୋଲି ଏହି ଜଗତରେ ପ୍ରତିଷ୍ଠିତ ହେବା ।