ମଣ୍ଡଳୀର କାର୍ଯ୍ୟପନ୍ଥା

 ମଣ୍ଡଳୀର କାର୍ଯ୍ୟପନ୍ଥା

ଆଜିର ଚିନ୍ତା

ପ୍ରେରିତ ୧୫:୧୨-୩୫

ମଣ୍ଡଳୀର ପ୍ରଚାର ଓ ପ୍ରସାର ପାଇଁ ମୁଁ କଣ ଉଦଯୋଗୀ ଅଟେ ? 

ଯିହୁଦୀମାନେ ପ୍ରଥମରେ ଖ୍ରୀଷ୍ଟଙ୍କୁ ବିଶ୍ବାସ କରିଥିଲେ।  ସମୟକ୍ରମେ ଈଶ୍ୱରଙ୍କ ବାକ୍ୟ ପ୍ରଚାର ଦ୍ଵାରା ଅନେକ ଅଣଯିହୁଦୀମାନେ ମଧ୍ୟ ଖ୍ରୀଷ୍ଟଙ୍କୁ ବିଶ୍ଵାସ କଲେ । ମାତ୍ର ଯିହୁଦୀ ମତାବଲମ୍ବିମାନେ ସହଜରେ ସେମାନଙ୍କୁ ଗ୍ରହଣ କରିପାରୁ ନ ଥିଲେ । ତେଣୁ ସେମାନେ ଅଣଯିହୁଦୀମାନଙ୍କୁ ଅନେକ ସର୍ତ୍ତ ଓ କାର୍ଯ୍ୟ କରିବା ପାଇଁ ଆଦେଶ ଦେଇଥିଲେ । ଯାହାର ଫଳସ୍ୱରୁପ ଖ୍ରୀଷ୍ଟୀୟ ମଣ୍ଡଳୀ ସ୍ଥାପିତ ହେବାରେ ବାଧା ଉପୁଜୁ ଥିଲା । ତେଣୁ ଏହି ସମସ୍ୟାର ପାଇଁ ଯିରୁଶାଲମ ଏକ ଅଧିବେଶନ ହୋଇଥିଲା । 

ସଠିକ୍ ପଦକ୍ଷେପ : 

ପାଉଲ ଓ ବର୍ଣ୍ଣବବା ପ୍ରକାଶ କଲେ ଯେ, ସ୍ଵୟଂ ଈଶ୍ଵର ଅଣଯିହୁଦୀମାନଙ୍କ ମଧ୍ୟରେ ଅନେକ ଲକ୍ଷଣ ଓ ଅଦ୍ଭୁତ କାର୍ଯ୍ୟ ସାଧନ କରିଛନ୍ତି । ତେଣୁ ଅନେକ ଅଣଯିହୁଦୀ ପ୍ରଭୁଙ୍କର ନିକଟବର୍ତ୍ତୀ ହୋଇଛନ୍ତି । ପାଉଲ ଓ ବର୍ଣ୍ଣବବା କେବଳ ମାଧ୍ୟମ ଅଟନ୍ତି । ପିତର ଓ ଯାକୁବ ମଧ୍ୟ ଏହି କଥାକୁ ସମର୍ଥନ କଲେ । ଅଣଯିହୁଦୀମାନେ ଯେପରି ଈଶ୍ୱରଙ୍କ ରାଜ୍ୟର ଅଧିକାରୀ ହେବେ, ତାହା ସ୍ଵୟଂ ଈଶ୍ଵର ଚାହାଁନ୍ତି ଓ ସେମାନଙ୍କୁ ମନୋନୀତ ମଧ୍ୟ କରିଅଛନ୍ତି । 

ମନୋନୀତ ଲୋକଙ୍କୁ ପ୍ରେରଣ :

ଯେଉଁମାନେ ଈଶ୍ୱରଙ୍କ ବାକ୍ୟରେ ନିପୁଣ ଓ ଯେଉଁମାନଙ୍କର ଈଶ୍ୱରଙ୍କୁ ବାକ୍ୟ ଓ ବ୍ୟବସ୍ଥା ବିଷୟରେ ସୂକ୍ଷ୍ମ ଜ୍ଞାନ ଅଛି ଏପରି ଯିହୁଦା ଓ ଶୀଲାକୁ ମନୋନୀତ କରି ମଣ୍ଡଳୀ ଲୋକମାନଙ୍କ ମଧ୍ୟକୁ ପଠାଇଲେ । ଯେପରି ସେମାନେ ଈଶ୍ୱରଙ୍କ ବାକ୍ୟର ନିଗୁଡ଼ତତ୍ତ୍ଵ ବିଷୟରେ ଲୋକଙ୍କୁ ଶିକ୍ଷା ଦେଇ ଶିକ୍ଷିତ କରାଇବେ । ଶୀଲା ନିଜେ ଜଣେ ଭାବବାଦୀ ହୋଇଥିବାରୁ ଅନେକ କଥା ଦ୍ଵାରା ଭାଇମାନଙ୍କୁ ଉତ୍ସାହ ଦେଇ ସୁସ୍ଥିର କଲେ । 

ଆମ  ମଣ୍ଡଳୀ ଆଜି ଏପରି ମନୋନୀତ ଲୋକମାନଙ୍କୁ ପ୍ରଚାର କାର୍ଯ୍ୟ ନିମନ୍ତେ ପ୍ରେରଣ କରିବା ଆବଶ୍ୟକ । ଆମେ ମଧ୍ୟ ନିଜକୁ ବାକ୍ୟରେ ଏପରି ସୁୁଶିକ୍ଷିତ କରି ଅନ୍ୟ ନିକଟରେ ଈଶ୍ଵରଙ୍କର ସାକ୍ଷୀ ହୋଇପାରିବା ।