ଝର୍କାରେ ତାରକା
ଏଫିସୀୟ ୨:୧-୧୦
କାରଣ ଈଶ୍ଵର ଜଗତକୁ ଏଡେ ପ୍ରେମ କଲେ ଯେ, ସେ ଆପଣାର ଅଦ୍ୱିତୀୟ ପୁତ୍ରଙ୍କୁ ଦେଲେ...। (ଯୋହନ ୩:୧୬)
ଦ୍ଵିତୀୟ ବିଶ୍ଵଯୁଦ୍ଧ ସମୟରେ, ଗୋଟିଏ ପରିବାର ପାଇଁ ଯୁକ୍ତରାଷ୍ଟ୍ର ଆମେରିକାରେ ଗୋଟିଏ ପ୍ରଥା ଥିଲା ଯେ ଯାହାର ପୁତ୍ର ସୈନ୍ୟ ବାହିନୀରେ କାମ କରୁଥିଲା, ତାହାର ଗୃହର ଝର୍କାରେ ସମ୍ମୁଖଭାଗରେ ଗୋଟିଏ ତାରକା ଲଗାଇବାକୁ ପଡୁଥିଲା । ମାତ୍ର ଗୋଟିଏ ସ୍ଵର୍ଣ୍ଣ ତାରକା ଏହା ସୂଚାଉଥିଲା ଯେ ପୁତ୍ରଟି ନିଜ ଦେଶର ସ୍ବାର୍ଥ ରକ୍ଷା ପାଇଁ ମୃତ୍ୟୁବରଣ କରିଥିଲା ।
ବହୁବର୍ଷ ପୂର୍ବେ, ସାର୍ ହ୍ୟାରୀ ଲଡ଼ର୍ ଏହି ପ୍ରଥା ବିଷୟରେ ଏକ ହୃଦୟ ସ୍ପର୍ଶୀ କାହାଣୀ କହିଥିଲେ । ସେ କହିଥିଲେ ଯେ, ଦିନେ ରାତିରେ ଜଣେ ବ୍ୟକ୍ତି ନିଜର ୫ ବର୍ଷୀୟ ପୁତ୍ର ସହିତ ନ୍ୟୁୟର୍କ ସହରର ଏକ ଗଳି ରାସ୍ତାରେ ଚାଲୁଥିଲେ । ସେହି ଛୋଟ ପିଲାଟି ଗୃହଗୁଡ଼ିକର ଉଜ୍ଜ୍ୱଳ ଭାବରେ ଆଲୋକିତ ଝର୍କାଗୁଡିକୁ ଦେଖି କୌତୁହଳ ହେଲା ଓ କେତେଗୁଡ଼ିଏ ଗୃହର ଝର୍କାରେ କାହିଁକି ତାରକା ଲାଗିଅଛି ବୋଲି ଜାଣିବାକୁ ଇଛା କଲା । ସେହି ପରିବାରଗୁଡ଼ିକରେ ଏପରି ଏକ ପୁତ୍ର ଥିଲା, ଯିଏ ଯୁଦ୍ଧରେ ଯୋଗ ଦେଇଥିଲା ବୋଲି ବାପା ବୁଝାଇ ଦେଲେ । ଏହାପରେ ଗୋଟିଏ ପରେ ଗୋଟିଏ ଝର୍କାରେ ତାରକା ଦେଖିବା ମାତ୍ରେ ପିଲାଟି ତାଳିମାରି ଚିତ୍କାର କରୁଥିଲା, " ବାପା, ଦେଖ, ଆଉ ଗୋଟିଏ ପରିବାର, ଯିଏ ନିଜ ଦେଶ ପାଇଁ ଗୋଟିଏ ପୁତ୍ରକୁ ଦେଇ ଦେଇଛି ।"
ଶେଷରେ ସେମାନେ ଗୋଟିଏ ଶୂନ୍ୟ ଅଞ୍ଚଳକୁ ଆସିଲେ ଓ ଏହି ଅଞ୍ଚଳଟିରେ ଆଉ ଧାଡ଼ି ଧାଡ଼ି ଗୃହ ନ ଥିଲା । ଏହି ସ୍ଥାନରୁ ଆକାଶରେ ଗୋଟିଏ ତାରା ଚକ୍ ଚକ୍ କରୁଥିବାର ଦିଶୁଥିଲା । ଛୋଟ ପିଲାଟି ଅଣନିଶ୍ବାସୀ ହୋଇ କହି ଉଠିଲା, " ଓଃ, ବାପା, ସ୍ବର୍ଗର ଝର୍କାରେ ସେହି ତାରାଟିକୁ ଦେଖ ! ଈଶ୍ୱର ମଧ୍ୟ ତାଙ୍କର ପୁତ୍ରଙ୍କୁ ଦେଇଥିବେ।"
ହଁ, ବାସ୍ତବରେ ! ଈଶ୍ୱରଙ୍କ ଝର୍କାରେ ଗୋଟିଏ ତାରକା ଅଛି । ସେ ଆପଣଙ୍କ ପାଇଁ କ'ଣ କରିଥିଲେ, ତାହା ଆପଣ ଉପଲବ୍ଧ କରିଛନ୍ତି କି? ଆମ ପାଇଁ ଈଶ୍ଵରଙ୍କ ପ୍ରେମ ଯୋଗୁ, ସେ ତାଙ୍କର ପୁତ୍ରଙ୍କୁ ଦେଇଥିଲେ (ଏଫୀ ୨:୪)