ଈଶ୍ୱରଙ୍କ ଅସ୍ତିତ୍ଵରେ ବିଶ୍ଵାସ

 ଈଶ୍ୱରଙ୍କ ଅସ୍ତିତ୍ଵରେ ବିଶ୍ଵାସ

ଆଜିର ଚିନ୍ତା

ଗୀତ ୫୩:୧-୬

ପରମେଶ୍ବରଙ୍କ ଅସ୍ତିତ୍ବ ବିଷୟରେ ମୋର ବ୍ୟକ୍ତିଗତ ମତ କ'ଣ ?

ପୃଥିବୀରେ ଅନେକ ଲୋକ ଈଶ୍ୱରଙ୍କ ଅସ୍ତିତ୍ବକୁ ମାନନ୍ତି ନାହିଁ । ସେମାନଙ୍କୁ ନାସ୍ତିକ ବୋଲି କୁହାଯାଏ । କିନ୍ତୁ ବାଇବଲର ଭାଷାରେ ସେମାନଙ୍କୁ ମୂର୍ଖ ବୋଲି କୁହାଯାଏ (୧ପଦ) । ପରମେଶ୍ୱର ନାହାନ୍ତି ବୋଲି କହୁଥିବା ବ୍ୟକ୍ତିମାନଙ୍କ କର୍ମ ଓ ପ୍ରତିଫଳ ବିଷୟରେ ଆଜିର ଅଧ୍ୟାୟରେ ବର୍ଣ୍ଣିତ । ଆଜିର ବାକ୍ୟ ଆମକୁ ପ୍ରଭୁଙ୍କଠାରେ ବିଶ୍ଵାସ ଓ ଭରସା ରଖି ଉତ୍ତମ ଜୀବନ କାଟିବାକୁ ସାହାଯ୍ୟ କରିବ । 

ନାସ୍ତିକ ବ୍ୟକ୍ତିର କାର୍ଯ୍ୟ :

 (୧) ମୂର୍ଖ ମନେ ମନେ କୁହେ ପରମେଶ୍ୱର ନାହାନ୍ତି । 

(୨) ସେମାନେ ଈଶ୍ୱରଙ୍କ ଅସ୍ତିତ୍ଵକୁ ସ୍ବୀକାର ନ କରୁଥିବାରୁ ସେମାନେ ଭ୍ରଷ୍ଟ ହୁଅନ୍ତି ଏବଂ ନାନା ଘୃଣାଯୋଗ୍ୟ ଅଧର୍ମରେ ଲିପ୍ତ ରହନ୍ତି । 

(୩) କେହି ହେଲେ ସତ୍କର୍ମ କରନ୍ତି ନାହିଁ । 

(୪) ସେମାନେ ବିବେଚନା କରନ୍ତି ନାହିଁ । 

(୫) ସେମାନେ ବିପଥରେ ଗମନ କରନ୍ତି। 

(୬) ସେମାନେ ଜ୍ଞାନ ଶୂନ୍ୟ ହୋଇ ଖାଦ୍ୟ ଗ୍ରାସ କଲା ପରି ପରମେଶ୍ୱରଙ୍କ ଲୋକମାନଙ୍କୁ ଗ୍ରାସ କରନ୍ତି । 

(୭) ସେମାନେ ପରମେଶ୍ବରଙ୍କ ଠାରେ ପ୍ରାର୍ଥନା କରନ୍ତି ନାହିଁ । 

(୮) ଭୟ ନ ଥିବା ସ୍ଥାନରେ ସେମାନେ ଭୟଭୀତ ହୁଅନ୍ତି । 

ନାସ୍ତିକର ଫଳାଫଳ :

ପରମେଶ୍ୱର ନାହାନ୍ତି କହି ସମସ୍ତ ଅଧର୍ମ କାର୍ଯ୍ୟରେ ଲିପ୍ତ ଥିବା ପ୍ରତ୍ୟେକ ମୂର୍ଖ ବ୍ୟକ୍ତିର ଅସ୍ଥିସବୁ ପରମେଶ୍ୱର ଛିନ୍ନଭିନ୍ନ କରିବେ (୫ପଦ) ସେମାନଙ୍କୁ ଅଗ୍ରାହ୍ୟ କରିବେ ଏବଂ ସେମାନଙ୍କୁ ଲଜ୍ଜା ଦେବେ । 

ମାତ୍ର ପରମେଶ୍ୱର ଆପଣା ଲୋକମାନଙ୍କୁ ନିରୀକ୍ଷଣ କରନ୍ତି । ପରମେଶ୍ୱର ସିୟୋନଠାରୁ ପ୍ରକାଶିତ ହେବେ ଏବଂ ଆପଣା ଲୋକମାନଙ୍କୁ ବନ୍ଦୀତ୍ୱରୁ ଫେରାଇ ଆଣିବେ । ଯାକୁବ (ଇସ୍ରାଏଲ) ସମ୍ପୂର୍ଣ୍ଣ ମୁକ୍ତ ହୋଇ ଉଲ୍ଲସିତ ହେବ। ଇସ୍ରାଏଲ ଆନନ୍ଦିତ ହେବ।