ଜୀବନର ସମୀକ୍ଷା
ଆଜିର ଚିନ୍ତା
ଯାତ୍ରା ୩୯:୩୨-୪୩
ମୁଁ ସବୁ ଅବସ୍ଥାରେ ଆତ୍ମ ସମୀକ୍ଷା କରିଥାଏ କି ?
ଈଶ୍ଵର ଆପଣା ମନୋନୀତ ଆତ୍ମାଙ୍କ ଦ୍ଵାରା ଜ୍ଞାନ ଓ ବୁଦ୍ଧିପ୍ରାପ୍ତ, ପୁଣି ସମସ୍ତ ଆଜ୍ଞା ପାଳନକାରୀ ଶିଳ୍ପଙ୍କ ଦ୍ଵାରା ସମାଗମ ତମ୍ବୁର ସମସ୍ତ କାର୍ଯ୍ୟ ସମାପ୍ତ କଲେ । ସମସ୍ତ ପ୍ରକାର କାର୍ଯ୍ୟ ସମାପ୍ତ ହେବା ପରେ ସେସମସ୍ତର ଏକ ସମୀକ୍ଷାର ଆବଶ୍ୟକତା ଥିଲା । ସେଥିନିମନ୍ତେ ସେମାନେ ତମ୍ବୁ ସହିତ ଯାଜକର ପୁତ୍ରମାନଙ୍କ ବସ୍ତ୍ର ପର୍ଯ୍ୟନ୍ତ ସମସ୍ତ କାର୍ଯ୍ୟ ଈଶ୍ଵରଙ୍କ ପ୍ରତିନିଧି ମୋଶାଙ୍କ ସମ୍ମୁଖରେ ତାହାଙ୍କର ନିରୀକ୍ଷଣ ନିମନ୍ତେ ରଖିଥିଲେ। ମୋଶା ସେସମସ୍ତ କାର୍ଯ୍ୟରେ ସନ୍ତୁଷ୍ଟ ହୋଇ ସେମାନଙ୍କୁ ଆଶୀର୍ବାଦ କରୁଥିଲେ । ଈଶ୍ଵରଙ୍କ ଅନୁଗ୍ରହ ହେତୁ ଆମେ ତାହାଙ୍କ ମନୋନୀତ, ପରିତ୍ରାଣପ୍ରାପ୍ତ, ଆତ୍ମାରେ ପୂର୍ଣ୍ଣ ହେବ ପରେ ମଧ୍ୟ ଆମ୍ଭମାନଙ୍କ ଜୀବନକୁ ଈଶ୍ଵରଙ୍କ ନିକଟରେ ଆତ୍ମ ସମୀକ୍ଷା କରିବା ନିତାନ୍ତ ଆବଶ୍ୟକ ।
ମନୋଯୋଗୀ ଈଶ୍ଵର:
ଈଶ୍ଵରଙ୍କ ଗୌରବ ହେଉ । ସେ ଆମ୍ଭମାନଙ୍କ ସହିତ ବାସ କରୁଥିବା ଈଶ୍ୱର । ସେ ଆମ୍ଭମାନଙ୍କ ପ୍ରତି ମନୋଯୋଗୀ, ଉତ୍ସାହ ପ୍ରଦାନକାରୀ, ପୁଣି ଏକ ଯୋଜନା ପ୍ରସ୍ତୁତକାରୀ ଈଶ୍ୱର (ଯିରି ୨୯:୧୧) । ଏହି ସମସ୍ତ ସତ୍ୟତାର ଫଳସ୍ଵରୁପ ସେ ଆମ୍ଭମାନଙ୍କ ନିକଟରୁ ଏକ ପବିତ୍ର ଜୀବନ ଆଶା କରନ୍ତି । ସେଥିପାଇଁ ସେ ଆମ୍ଭମାନଙ୍କ ଅନ୍ତଃକରଣ ଅନୁସନ୍ଧାନ ଏବଂ ମର୍ମର ପରୀକ୍ଷା କରିଥାନ୍ତି (ଯିରି ୭ :୧୦) ଏବଂ ଆମ୍ଭମାନଙ୍କର କର୍ମ ଓ ଆଚରଣ ଅନୁସାରେ ଫଳ ପ୍ରଦାନ କରନ୍ତି ପୁଣି ତାହାଙ୍କ ଚକ୍ଷୁର ପତା ମନୁଷ୍ୟ ସନ୍ତାନମାନଙ୍କୁ ପରୀକ୍ଷା କରେ( ଗୀତ ୧୧:୪) ।
ସମୀକ୍ଷାକାରୀ ଈଶ୍ଵର:
ଆଜି ଆମ୍ଭମାନଙ୍କ ବ୍ୟକ୍ତିଗତ, ପୁଣି ପାରିବାରିକ ଜୀବନକୁ ଈଶ୍ଵରଙ୍କ ନିକଟରେ ସମୀକ୍ଷା କରୁ । ଏହି ବ୍ୟସ୍ତବହୁଳ ସଂସାରରେ ଆମେ ଅନେକ ସମୟରେ ଈଶ୍ଵରଙ୍କୁ ଦୁଃଖିତ କରିବସୁ । ପବିତ୍ରତାର ଜୀନବଯାପନ କରିବାରେ ବିଫଳ ହେଉ । ତେଣୁ ଈଶ୍ଵରଙ୍କୁ ପରିଦର୍ଶନ କାରିବାର ସୁଯୋଗ ଦେଲେ, ସେ ଆମର ଭୁଲସବୁ ଦେଖାଇ ଦେବେ । ସେହି ସତ୍ୟତାରେ ଈଶ୍ଵରଙ୍କ ମନର ମତ ବ୍ୟକ୍ତି ଦାଉଦ ନିଜ ଜୀବନର ସମୀକ୍ଷାର ଆବଶ୍ୟକତାର ମୂଲ୍ୟ ବୁଝି ଈଶ୍ଵରଙ୍କ ନିକଟରେ ପ୍ରାର୍ଥନା କରିଛନ୍ତି, "ହେ ପରମେଶ୍ବର ମୋହର ଅନୁସନ୍ଧାନ କର… ପୁଣି ଅନନ୍ତ ପଥରେ ମୋତେ ଗମନ କରାଅ" (ଗୀତ ୧୩୯:୨୩-୨୪) । ଆଜି ପ୍ରତ୍ୟେକ ଖ୍ରୀଷ୍ଟ ବିଶ୍ୱାସୀର ଏହି ପ୍ରାର୍ଥନା ହେବା ଆବଶ୍ୟକ ।
Amen 🙏
ReplyDelete