ଅନନ୍ୟ ସେବକ
ଆଜିର ଚିନ୍ତା
ଲୁକ ୨୩:୨୬-୪୯
ଯୀଶୁଙ୍କ ବଳିଦାନ ପାଇଁ ମୁଁ ତାଙ୍କ ପ୍ରତି କୃତଜ୍ଞ ଅଟେ କି ?
ଯୀଶୁଙ୍କ ମୃତ୍ୟୁ ଏକ ହୃଦୟ ବିଦାରକ ଓ ଅତନ୍ତ୍ୟ ନିର୍ମମ ଘଟଣା ଥିଲା । ଜଣେ ସାହିତ୍ୟିକା ଡରୋଥି ସେୟର୍ଷ ଲେଖନ୍ତି ଯେ, ପ୍ରଭୁ ଯୀଶୁ ଗୋଟିଏ ଦୁର୍ନୀତିଗ୍ରସ୍ତ ମଣ୍ଡଳୀ (ଇସ୍ରାଏଲ), ଗୋଟିଏ ଭୟାଳୁ ରାଜନେତା ଓ ଅସ୍ଥିର ଜନତାଙ୍କ ଦ୍ୱାରା ମୃତ୍ୟୁ ଦଣ୍ଡ ପାଇଥିଲେ; ପୁଣି ଆଜି ଆମ ମଧ୍ୟରେ ସେହି ସମସ୍ତ ବିଷୟ ରହିଛି । ସେଥିପାଇଁ, ଆଜି ମଧ୍ୟ ଯୀଶୁ ଆମଠାରୁ ଠିକ୍ ସେହିପରି ବ୍ୟବହାର ପାଇଥାନ୍ତେ, ଯେପରି ଯେପରି ସେ ସେତେବେଳେ ପାଇଥିଲେ ।
କ୍ରୁଶୀୟ ପଥରେ ସେବାକାର୍ଯ୍ୟ :
ପିଲାତଙ୍କ ରାଜ ପ୍ରସାଦରୁ ଗଲଗଥାକୁ ଯିବା ପଥରେ ଓ କ୍ରୁଶ ଉପରେ ଏପରି କିଛି ଘଟଣା ଘଟିଥିଲା, ଯେଉଁଗୁଡ଼ିକ ଗୁରୁତ୍ୱହୀନ ମନେ ହେଲେ ମଧ୍ୟ ଯୀଶୁ ସେଗୁଡିକୁ ଅର୍ଥପୁର୍ଣ୍ଣ କରିଥିଲେ ।
ପ୍ରଥମରେ, କିଛି ସମୟ ପାଇଁ ଶିମୋନ ନାମକ ଜଣେ କ୍ୱିରିଣୀୟ ବ୍ୟକ୍ତି ଯୀଶୁଙ୍କର କ୍ରୁଶ ବହନ କରିଥିଲେ । ଯୀଶୁଙ୍କର ଓ କ୍ରୁଶର ସ୍ପର୍ଶ ତାଙ୍କ ଜୀବନକୁ ଓ ତାଙ୍କ ପରିବାରକୁ ପରିବର୍ତ୍ତିତ କରିଥିଲେ ।
ଦ୍ଵିତୀୟରେ, କେତେ ଜଣ ସ୍ତ୍ରୀ ରୋଦନ କରୁ କରୁ ତାଙ୍କର ଅନୁଗମନ କରୁଥିଲେ । ଯୀଶୁ ସେମାନଙ୍କୁ କହିଥିଲେ ଯେ, ସେମାନେ ତାଙ୍କ ପାଇଁ ନୁହେଁ ମାତ୍ର ଆଗାମୀ ବିପତ୍ତି ନିମନ୍ତେ ନିଜ ପାଇଁ ଓ ନିଜ ନିଜ ସନ୍ତାନମାନଙ୍କ ପାଇଁ କ୍ରନ୍ଦନ କରିବା ଉଚିତ । ଏହା କହିବା ସମୟରେ, ଯୀଶୁ ଉଭୟ ଯିରୁଶାଲମ ଧ୍ଵଂସ (୭୦ ଖ୍ରୀ:ଅ) ଓ ଆଗାମୀ ମହାକ୍ଳେଶ କୁ ଦୃଷ୍ଟିରେ ରଖିଥିଲେ ।
କ୍ରୁଶ ଉପରେ ସେବାକାର୍ଯ୍ୟ :
(୧) ଯୀଶୁ ଖ୍ରୀଷ୍ଟଙ୍କ ପ୍ରତି ଲୋକମାନଙ୍କ କ୍ରୁରତା ଓ ଅପମାନ ତାଙ୍କୁ ଯେତିକି ବ୍ୟଥିତ କରି ନ ଥିଲା, ସେମାନଙ୍କ ଅଜ୍ଞାତ ତାଙ୍କୁ ସେତିକି ବ୍ୟଥିତ କରିଥିଲା । ସେଥିପାଇଁ ସେମାନଙ୍କୁ କ୍ଷମା କରିଦେବା ନିମନ୍ତେ ସେ ଈଶ୍ୱରଙ୍କ ପ୍ରାର୍ଥନା କରିଥିଲେ ।
(୨) ତାଙ୍କର ଉଭୟ ପାର୍ଶ୍ଵରେ ଝୁଲୁଥିବା ଦୁଇ ଚୋରଙ୍କ ମଧ୍ୟରୁ ତାଙ୍କଠାରୁ ବିଶ୍ଵାସ କରିଥିବା ଚୋରକୁ ସେ ପରିତ୍ରାଣ ଦେଇଥିଲେ ।
(୩) ସେ ନିଜର ଆତ୍ମାକୁ ପିତା ଈଶ୍ୱରଙ୍କ ନିକଟରେ ସମର୍ପଣ କରି ପ୍ରାଣତ୍ୟାଗ କରିଥିଲେ ।
ଈଶ୍ୱରଙ୍କ ଆମର ଶେଷ ମୁହୂର୍ତ୍ତ ପର୍ଯ୍ୟନ୍ତ ଆମକୁ ପରିତ୍ରାଣ ଦେବା ପାଇଁ ଅପେକ୍ଷା କରନ୍ତି । ତେଣୁ ଆସନ୍ତୁ, କାଳ ବିଳମ୍ବ ନ କରି ଆଜିର ଏହି ବିଶେଷ ଦିନରେ ଆମେ ନିଜ ନିଜକୁ ପରୀକ୍ଷା କରୁ ଓ ପରିତ୍ରାଣ ନିମନ୍ତେ, ତାଙ୍କଠାରେ ନିଜକୁ ସମର୍ପଣ କରୁ, ସେ ଆମକୁ କ୍ଷମା ଦେବାକୁ ସର୍ବଦା ପ୍ରସ୍ତୁତ ଅଟନ୍ତି ।
No comments:
Post a Comment
Kindly give your suggestions or appreciation!!!