ଧନ୍ୟବାଦ ସୂଚକ ପ୍ରାର୍ଥନା
ଆଜିର ଚିନ୍ତା
୧ଶାମୁୟେଲ ୨:୧-୧୧
ମଙ୍ଗଳଦାନ ଗୁଡ଼ିକ ସ୍ମରଣ କରି ଆମେ ତାଙ୍କୁ ଧନ୍ୟବାଦ ଦେଉଛୁ କି ?
ହାନ୍ନା ଜଣେ ଦୁଃଖିନୀ ନାରୀ ଥିଲେ । ବିବାହର ଅନେକ ବର୍ଷ ପର୍ଯ୍ୟନ୍ତ ସନ୍ତାନ ନ ହେବା ପୁଣି ସ୍ବାମୀ ଦ୍ଵିତୀୟ ବିବାହ କରିବା ଏବଂ ସପତ୍ନୀର କଟୁ ମନ୍ତବ୍ୟ ତାଙ୍କୁ ଦୁଃଖିତ, ତିକ୍ତମନା କରିଥିଲା । ମାତ୍ର ସେ ପ୍ରଭୁଙ୍କ ନିକଟରେ ନିଜର ସମସ୍ୟାକୁ ରଖିଲେ । ପ୍ରଭୁ ତାଙ୍କର ପ୍ରାର୍ଥନା ଶୁଣିଲେ ଏବଂ ଉତ୍ତର ମଧ୍ୟ ଦେଲେ, ସେଥିପାଇଁ ସେ ଈଶ୍ଵରଙ୍କର ସ୍ତୁତିବାଦ କଲେ ।
ପରିତ୍ରାଣକାରୀ ପରମେଶ୍ୱର (୧ପଦ) :
ଈଶ୍ଵର ପରିତ୍ରାଣକାରୀ ପରମେଶ୍ୱର ଅଟନ୍ତି ଏକଥା ପ୍ରଭୁ ଯୀଶୁଙ୍କ ଜନ୍ମର ଯୀଶୁଙ୍କ ଅନେକ ବର୍ଷ ପୂର୍ବରୁ ହାନ୍ନାଙ୍କ ମୁଖ ଦ୍ଵାରା ପ୍ରକାଶିତ ହୋଇଥିଲା । ଶିଶୁ ଯୀଶୁଙ୍କୁ କୋଳରେ ଧରି ଶିମିୟୋନ ପ୍ରାର୍ଥନା କରିଥିଲେ, ମୋହର ନେତ୍ର ତୁମ୍ଭର ପରିତ୍ରାଣ ଦେଖିଅଛି (ଲୂକ ୨:୩୦) । ଆମେ ସେହି ପରିତ୍ରାଣକାରୀ ପରମେଶ୍ୱରଙ୍କଠାରେ ବିଶ୍ଵାସ କରି ଆନନ୍ଦ କରୁଛୁ କି ?
ଅତୁଳନୀୟ ପରମେଶ୍ୱର (୨ପଦ) :
ମୋଶାଙ୍କୁ ଈଶ୍ଵର କୁହନ୍ତି, ଆମ୍ଭେ ସ୍ଵୟଂମ୍ଭୁ (ଆମ୍ଭେ ଅଛୁ) ରାଜା ଦାଉଦ କହନ୍ତି, ତୁମ୍ଭ ତୁଲ୍ୟ କିଏ ଅଛି? (ଗୀତ ୭୧:୧୯) । ହାନ୍ନା ମଧ୍ୟ କହନ୍ତି, ଆମ୍ଭମାନଙ୍କ ପରମେଶ୍ବରଙ୍କ ତୁଲ୍ୟ କୌଣସି ଶୈଳ ନାହିଁ (୨ପଦ) । ସେହି ପବିତ୍ର ଓ ଅତୁଳନୀୟ ପରମେଶ୍ୱରଙ୍କୁ ଆମେ ମାନ୍ୟ କରୁଛୁ କି ?
ସର୍ବଜ୍ଞ ପରମେଶ୍ୱର (୩ପଦ) :
ଗୁପ୍ତ ବିଷୟ ସବୁ ଆମ୍ଭମାନଙ୍କ ପରମେଶ୍ବରଙ୍କ ଅଧିକାର (ଦ୍ଵି: ବିବ ୨୯:୨୯) । ସେ ଆମ ହୃଦୟ ଓ ମନର ସବୁ କଥା ଜାଣନ୍ତି ।
ମୃତ୍ୟୁଞ୍ଜୟୀ ପରମେଶ୍ୱର (୬ପଦ) :
ମୃତ୍ୟୁ ଓ ଜୀବନ ଈଶ୍ୱରଙ୍କ ଅଧୀନ, ସେ ଜୀବନଦାତା । ଯୀଶୁ କହିଲେ, ମୁଁ ପୁନରୁତ୍ଥାନ ଓ ଜୀବନ (ଯୋହନ ୧୧:୨୫) । ଯେ ତାହାଙ୍କ ଠାରେ ବିଶ୍ଵାସ କରେ ସେ ଯଦ୍ୟପି ମରେ, ତଥାପି ବଞ୍ଚିବ । ରକ୍ଷାକାରୀ ପରମେଶ୍ୱର (୯ପଦ) : ସେ ସବୁ ଗତିରେ ଆମକୁ ରକ୍ଷା କରନ୍ତି (ଗୀତ ୯୧:୧୦) । ସେ ଆମର ରକ୍ଷକ (ଗୀତ ୧୨୧:୫) । ତାଙ୍କର ସୁରକ୍ଷାର ଡେଣା ତଳେ ଆମେ ଆଶ୍ରୟ ନେଉଛୁ କି ?