ସୁସମାଚାର ଘୋଷଣା
ଆଜିର ଚିନ୍ତା
ପ୍ରେରିତ ୧୪:୧-୨୦
ସୁସମାଚାର ପ୍ରଚାର ନିମନ୍ତେ ମୁଁ ଉଦଯୋଗୀ କି ?
ପ୍ରେରିତ ୧୩, ୧୪ ପର୍ବ ପାଉଲଙ୍କର ପ୍ରଥମ ମିଶନାରୀ ଯାତ୍ରା ବିଷୟରେ ବର୍ଣ୍ଣନା କଲେ । ଇକନିୟରେ ଯିହୁଦୀ ମତାବଲମ୍ବି ଲୋକ ବସବାସ କରୁଥିବାରୁ ସେଠାରେ ସମାଜ ଗୃହ ଥିଲା, ମାତ୍ର ଲୁସ୍ତ୍ରା ଓ ଦର୍ବୀ ରେ ସମାଜ ଗୃହ ନ ଥିଲା ।
ସମସ୍ତ ଜାତି ନିକଟରେ ଘୋଷଣା :
ସ୍ୱର୍ଗାରୋହଣ ପୂର୍ବରୁ ଯୀଶୁଙ୍କର ଶେଷ ଆଜ୍ଞାନୁସାରେ ( ମାର୍କ ୧୬:୧୫) ପାଉଲ ଓ ବର୍ଣ୍ଣବବା ସେମାନଙ୍କ ପ୍ରଥମ ମିଶନାରୀ ଯାତ୍ରାରେ ଯିହୁଦୀ, ଅଣଯିହୁଦୀ, ଗ୍ରୀକ୍ ସମସ୍ତଙ୍କ ନିକଟରେ ପ୍ରଭୁ ଯୀଶୁଙ୍କର ଜନ୍ମ ଠାରୁ ପୁନରୁତ୍ଥାନ ପର୍ଯ୍ୟନ୍ତ ସମସ୍ତ ବାକ୍ୟ ପ୍ରଚାର କଲେ ଓ ସେମାନଙ୍କ ମଧ୍ୟରୁ ବହୁ ସଂଖ୍ୟକ ଲୋକ ବିଶ୍ୱାସ କଲେ । ପାଉଲ ଓ ବର୍ଣ୍ଣବବା ପ୍ରଭୁଙ୍କ ଉପରେ ନିର୍ଭର କରି ସାହସରେ ପ୍ରଚାର କଲେ ଓ ନାନା ଲକ୍ଷଣ ଓ ଅଦ୍ଭୁତ କର୍ମ ସାଧନ କରି ନିଜର ବାକ୍ୟ ସପକ୍ଷରେ ସାକ୍ଷ୍ୟ ଦେଲେ (୩ପଦ) । ତେଣୁ ପାଉଲ ଏଫୀସୀ ୪:୧୭ରେ କହନ୍ତି, ଖ୍ରୀଷ୍ଟଙ୍କ ଦାନର ପରିମାଣ ଅନୁସାରେ ଆମ୍ଭମାନଙ୍କ ପ୍ରତ୍ୟେକଙ୍କୁ ଅନୁଗ୍ରହ ଦତ୍ତ ହୋଇଛି ।
ତାଡ଼ନାର ସମ୍ମୁଖୀନ :
ଯେଉଁମାନେ ପାଉଲ ଓ ବର୍ଣ୍ଣବବାଙ୍କ କଥାରେ ବିଶ୍ଵାସ କଲେ ନାହିଁ, ସେମାନେ ଅଧ୍ୟକ୍ଷଙ୍କ ସହିତ ମିଶି ପାଉଲ ଓ ବର୍ଣ୍ଣବବାଙ୍କ ଉପରେ ଦୌରାତ୍ମ୍ୟ କଲେ ଓ ପଥର ଫୋପାଡ଼ି ମାରିବାକୁ ଚେଷ୍ଟା କଲେ । ବ୍ୟକ୍ତିଗତ ଜୀବନରେ ମୁଁ କ'ଣ ସୁସମାଚାର ନିମନ୍ତେ ତାଡ଼ନାଭୋଗ କରିବାକୁ ପ୍ରସ୍ତୁତ କି ?
ଈଶ୍ୱରଙ୍କୁ ଗୌରବ ଦେବା :
ଆମର ଈଶ୍ଵର ସାରା ବିଶ୍ବ ବ୍ରହ୍ମାଣ୍ଡସାରାର ସୃଷ୍ଟିକର୍ତ୍ତା । ସେ ଆଦି ଓ ଅନ୍ତ । ସେ ରାଜାମାନଙ୍କର ରାଜା ଓ ପ୍ରଭୂମାନଙ୍କର ପ୍ରଭୁ ଅଟନ୍ତି । ପାଉଲଙ୍କ ଦ୍ଵାରା ମାତୃଗର୍ଭରୁ ଖଞ୍ଜ ବ୍ୟକ୍ତିର ସୁସ୍ଥତା କେବଳ ଏହା ପ୍ରତିବାଦିତ କରେ ଯେ କେବଳ ଈଶ୍ବର ହିଁ ଏହି ଆଶ୍ଚର୍ଯ୍ୟକାରୀ ଅଟନ୍ତି ଓ ସେ ସତ୍ୟ, ଜୀବନ୍ତ, ସେ ହିଁ ସମସ୍ତ ଗୌରବ ପାଇବାର ଯୋଗ୍ୟ ଅଟନ୍ତି । ଆଜି ଆମେ ସତ୍ୟ ଈଶ୍ଵରଙ୍କୁ ଗୌରବ ଦେଉଛୁ ନା ମନୁଷ୍ୟର ଗୌରବ କରୁଛୁ ? ଆମ ଜୀବନର କର୍ତ୍ତା କେବଳ ସ୍ଵୟଂ ଈଶ୍ବର । ଆମର ଚକ୍ଷୁ ସଦା ତାଙ୍କ ପ୍ରତି ସ୍ଥିର ରହିବା ଆବଶ୍ୟକ ।