ପରିତ୍ରାଣର ଆନନ୍ଦ
ଆଜିର ଚିନ୍ତା
ଗୀତ ୪୦:୧-୧୭
ମୁଁ ମୋର ପରିତ୍ରାଣ ଓ ଏହାର ନିଶ୍ଚୟତା ବିଷୟରେ ସୁସ୍ଥିର କି ?
ଜୀବନର ସାକ୍ଷ୍ୟ (୧-୩): ସେ ଦିନ ଅନ୍ଧର ସାକ୍ଷ୍ୟ ଥିଲା, "ମୁଁ ଅନ୍ଧ ଥିଲି ଓ ଦେଖିବାକୁ ପାଉଅଛି" (ଯୋହନ ୫:୨୫) । ଦାଉଦ ଲେଖନ୍ତି, "ମୁଁ ଭୟଙ୍କର ଗର୍ତ୍ତ ଓ ଦହଲା କାଦୁଅ ମଧ୍ୟରେ ଥିଲି, ପ୍ରଭୁ ମୋହର ଚରଣ ଶୈଳ ଉପରେ ରଖିଲେ ଓ ମୋ' ପାଦଗତି ଦୃଢ଼ କଲେ । ଜୀବନର ଚଲାପଥରେ ପ୍ରତ୍ୟେକଟି ପାଦ ପଡ଼ିଲା ବେଳେ ସେ ଧର୍ମ ପଥରେ ମୋତେ କଢାଇ ନେଉଅଛନ୍ତି । ମୁଁ ଜାଣେ ଯେ, ନୂତନ ଜନ୍ମ ଲାଭ ପରେ, ପବିତ୍ର ଆତ୍ମା ମୋ' ଅନ୍ତରରେ ବାସ କଲାପରେ ଏକ ନୂତନ ଧନ୍ୟବାଦ ଓ ପ୍ରଶଂସାର ଗୀତ ମୋ' ଅନ୍ତରରୁ ଉଚ୍ଛୁଳି ଉଠୁଅଛି । ଏହା ମୋ' ଜୀବନର ସାକ୍ଷ୍ୟ ଅଟେ କି ?
ଭଗ୍ନ ଆତ୍ମା ଈଶ୍ଵରଙ୍କ ଗ୍ରାହ୍ୟ ବଳି ( ୪:୬): ବଳିଦାନ ଓ ନୈବେଦ୍ୟରେ ତାଙ୍କର ସନ୍ତୋଷ ନାହିଁ, ପୁଣି ହୋମାର୍ଥକ ବଳି ଓ ପାପାର୍ଥକ ବଳି ସେ ଚାହାଁନ୍ତି ନାହିଁ (୬) । ସେ ଆଶ୍ଚର୍ଯ୍ୟକର୍ମ କାରୀ ପରମେଶ୍ଵର (୫) ମାତ୍ର ଯିଏ ପାପ ସ୍ୱୀକାର କରେ ଓ ତାଙ୍କୁ ବିଶ୍ଵାସଭୂମି କରେ, ସେ ଧନ୍ୟ (୪), ସେ ହିଁ ପରିତ୍ରାଣ ପାଇବ ( ଏବ୍ରି ୧୦:୫-୯) ।
ଯୀଶୁ ହିଁ ପରିତ୍ରାଣକର୍ତ୍ତା (୭-୧୧): ଏହି ପଦ ଗୁଡ଼ିକରେ ଯୀଶୁଙ୍କ ଜୀବନରେ ଘଟିଥିବା ଘଟଣାର ଆଭାସ ମିଳେ । ଯୀଶୁ କିପରି ତାଙ୍କ ପିତାଙ୍କର ବାଧ୍ୟ ହୋଇଥିଲେ, ତାହା ଦେଖିବାକୁ ମିଳେ । ପରିତ୍ରାଣ କାର୍ଯ୍ଯ ସାଧନ ପାଇଁ ସେ କହିଲେ, "ମୁଁ ଉପସ୍ଥିତ" (୭) ଶେଷ ରାତ୍ରରେ ଗେଥ୍ସିମନି ବଗିଚାରେ କହିଲେ, ମୋହର ଇଛା ନୁହେଁ, ମାତ୍ର ତୁମ୍ଭର ଇଛା ସଫଳ ହେଉ (୮) ସେ ଗ୍ରାମେ ଗ୍ରାମେ ପରିତ୍ରାଣର ସମ୍ବାଦ ଦେଲେ (୧୦)
ନିନବେଦ ପ୍ରାର୍ଥନା (୧୨-୧୫): ଦାଉଦ ପ୍ରାର୍ଥନା କରୁଥଲେ, ମୋହର ଅପରାଧ ମୋ' ମସ୍ତକର କେଶରୁ ଅଧିକ ଓ ମୋର ହୃଦୟ ମୋତେ ପରିତ୍ୟାଗ କରିଅଛି । ମୋତେ ଦୟାକରି ଉଦ୍ଧାର କର (୧୨,୧୩) । ପାପ କ୍ଷମା ଓ ପରିତ୍ରାଣ ପାଇବା ନିମନ୍ତେ ଏପରି ଅନ୍ତର ଖୋଲା ପ୍ରାର୍ଥନା ଆବଶ୍ୟକ ।
ଧନ୍ୟବାଦରୂପ ବଳି (୧୬:୧୭): ଯେଉଁମାନେ ପରିତ୍ରାଣପ୍ରାପ୍ତ, ସେମାନେ ଈଶ୍ୱରଙ୍କୁ ମହିମାନ୍ଵିତ କରନ୍ତି (ଗୀତ ୫୦:୨୩) । ସଦାପ୍ରଭୁ ସେମାନଙ୍କର ନିଶ୍ଚୟତା ଓ ସଦପ୍ରଭୁଙ୍କର ସହାୟ ଓ ଉଦ୍ଧାରକର୍ତ୍ତା (୧୭) । ଆମେ ଯଦି ପରିତ୍ରାଣ ପ୍ରାପ୍ତ ତେବେ ଈଶ୍ୱରଙ୍କୁ ଧନ୍ୟବାଦ ହେଉ ।