ଧ୍ଵଂସରୁ ସୁରକ୍ଷା
ଆଜିର ଚିନ୍ତା
ଗୀତ ୩୭:୨୫-୪୦
ନିଜେ ସୁରକ୍ଷିତ ହୋଇ ଆତ୍ମ ସନ୍ତୋଷ ଲାଭ କରୁଛି କି?
ଦାଉଦ ଅନେକ ସୁଖଦ ଓ ଦୁଃଖଦ ଅନୁଭୂତିକୁ ନିଜ ଜୀବନରେ ଅଙ୍ଗେ ନିଭେଇ ବୃଦ୍ଧ ସମୟରେ ଏହି ଗୀତ ରଚନା କରିଛନ୍ତି । ଅନେକ ଆଶିର୍ବାଦର ଅଧିକାରୀ ହେବା ସତ୍ତ୍ୱେ ଯଦି ଦୁଷ୍କର୍ମକାରୀମାନେ ତାଙ୍କର ଏତେ ଅପକାର କରିପାରିଲେ ତେବେ ସାଧାରଣ ସରଳମନା ପ୍ରଭୁ ବିଶ୍ୱାସୀମାନଙ୍କର ସେମାନେ କେତେ କ୍ଷତି ସାଧନ ନ କରିବେ । ସେଥିପାଇଁ ଏହି ୩୭ ଗୀତର ଅଧ୍ୟୟନ ଓ ଅନୁଶୀଳନ ପ୍ରଭୁ ନିର୍ଭରକାରୀଙ୍କୁ ଅନେକ ବଳ ଓ ଦୃଢ଼ ବିଶ୍ବାସ ଦେବ । ଏହି ଗୀତ ସଂପୂର୍ଣ୍ଣ ବ୍ୟବହାରିକ ଓ ଅନୁଭୁତି ଜନ୍ମିତ ହୋଇଥିବାରୁ ଆମ ସମସ୍ତଙ୍କର ପାଥେୟ ହୋଇପାରିବ ।
ଦୟାପ୍ରାପ୍ତ ଧାର୍ମିକ ବ୍ୟକ୍ତି: ଦାଉଦ ରାଜା କହନ୍ତି, "ମୁଁ ଯୁବା ଥିଲି,ଏବେ ବୃଦ୍ଧ ହୋଇଅଛି ମାତ୍ର ଧାର୍ମିକକୁ ପରିତ୍ୟକ୍ତ ଅବା ତାହାର ବଂଶକୁ ଖାଦ୍ୟ ଭିକ୍ଷା କରିବାର ଦେଖି ନାହିଁ" (୨୫ ପଦ) । କେତେ ଆକାଟ୍ୟ ପ୍ରମାଣ ପତ୍ର ଜଣେ ପ୍ରଭୁ ନିର୍ଭରକାରୀ ରାଜାଙ୍କର । ଧାର୍ମିକ ଦୟା ପାଇ ଅନ୍ୟମାନଙ୍କୁ ଆର୍ଥିକ ସାହାଯ୍ୟ ଦେଇଥାଏ । ତା'ର ବଂଶ ଆଶୀର୍ବାଦ ପ୍ରାପ୍ତ ହୋଇଥାଏ (୨୬ପଦ) ସଦାପ୍ରଭୁ ସଦଭକ୍ତମାନଙ୍କୁ ପରିତ୍ୟାଗ କରନ୍ତି ନାହିଁ (୨୮ପଦ) । ପରମେଶ୍ଵରଙ୍କ ବ୍ୟବସ୍ଥା ସେ ଅନ୍ତରରେ ସାଇତି ରଖି, ତାକୁ ବ୍ୟବହାର କରେ ତେଣୁ ତା'ର ପାଦ ଖସିଯିବ ନାହିଁ । ତାର ମୁଖ ଜ୍ଞାନ ଓ ଜିହ୍ୱା ନ୍ୟାୟ ଓ ନିରପେକ୍ଷ କଥା କହିବ (୩୦,୩୧) । ସେ ଈଶ୍ଵରଙ୍କ ଶରଣାଗତ ହୋଇ ପରିତ୍ରାଣ ଲଭିବ, ସଂକଟ ସମୟ ଓ ଦୁଷ୍ଟମାନଙ୍କ ହସ୍ତରୁ ରକ୍ଷା ପାଇବ (୩୯,୪୦) । ଦାଉଦଙ୍କ ଜୀବନରଅନେକ ଘଟଣା ପ୍ରମାଣିତ କରିଛି ଯେ ଧର୍ମିକର ବଳିଷ୍ଟ ଜୀବନ ଦୁଷ୍ଟକୁ ଧିକ୍କାର ଓ ଅଧମୁଖ କରାଇଛି । ମୋଶା ଓ ଇସ୍ରାଏଲର ବିଶାଳ ଜନତାର ସୁଫସାଗର ମଧ୍ୟରେ ଶୁଷ୍କ ପଥର ସୁରକ୍ଷିତ ଯାତ୍ରା ଓ ଦୁଷ୍ଟ ପ୍ରତିହିଂସା ପରାୟଣ ଶକ୍ତିଶାଳୀ ମିସର ରାଜା ଓ ଏହାର ବଳିଷ୍ଠ ସୌନ୍ୟ ଶ୍ରେଣୀର ସଲିଳ ସମାଧି- ଏକଥା ପ୍ରମାଣିତ କରେ ନାହିଁ କି ?
ଧ୍ଵଂସମୁଖୀ ଅଧର୍ମାଚାରି: ଦୟାବାନ୍ ଈଶ୍ବର ଦୁଷ୍ଟର ମରଣରେ ସନ୍ତୋଷ ପାଆନ୍ତି ନାହିଁ କାରଣ ସେ ଦୁଷ୍ଟ ଓ ଶିଷ୍ଟ କରି ମଣିଷକୁ ଏହି ପୃଥିବୀକୁ ପ୍ରେରଣ କରି ନାହାନ୍ତି। ଏହା ମଣିଷର ସ୍ୱଅର୍ଜୀତ। ଯୀଶୁ ଦୁଷ୍ଟ, ପାପୀକୁ ଉଦ୍ଧାର କରି ସ୍ବର୍ଗ ରାଜ୍ୟରେ ସ୍ଥାନିତ କରିବା ପାଇଁ ନିଜର ପବିତ୍ର ପ୍ରାଣ ଦେଲେ। ତାଙ୍କଠାରେ ନିଜ ନିଜକୁ ସମର୍ପଣ କରିବା କି? ସେ ହିଁ ଆମକୁ ଉଦ୍ଧାର କରିବେ ଓ ଶକ୍ତି ଦେବେ ।
Amen, 🙏
ReplyDelete