ପ୍ରେମିକ ଓ ନ୍ୟାୟବାନ୍ ଈଶ୍ବର
ଆଜିର ଚିନ୍ତା
ଗୀତ ୩୫:୧-୨୮
ପ୍ରତିକୂଳ ପରିସ୍ଥିତିରେ ମୁଁ ଈଶ୍ୱରଙ୍କ ନିକଟରେ ଆର୍ତ୍ତସ୍ୱର କରୁଛି ନା ବଚସା କରୁଛି?
ଦାଉଦଙ୍କର ସମସ୍ୟା ତାଙ୍କର ଶକ୍ତିର ବର୍ହିଭୂତ ହୋଇଯାଇଥିଲେ ମଧ୍ୟ ସେ ଭାଙ୍ଗି ପଡ଼ି ନାହାଁନ୍ତି ବରଂ ଉଦ୍ଧାର ପାଇବା ନିମନ୍ତେ ଈଶ୍ୱରଙ୍କଠାରେ ପ୍ରାର୍ଥନା କରୁଛନ୍ତି ।
ଈଶ୍ବରଙ୍କଠାରେ ସମସ୍ତଭାର ଅର୍ପଣ କର: ଅନ୍ୟାୟରେ ଦାଉଦଙ୍କର ଶତ୍ରୁମାନେ ତାଙ୍କୁ ବଧ କରିବା ପାଇଁ ତାଙ୍କ ପଛରେ ଧାବମାନ ହେଲେ। ଫଳରେ ତାଙ୍କ ମନରେ ନାନାପ୍ରକାର ବ୍ୟବସ୍ତା ଆସିଲା। କିନ୍ତୁ ସେହି ସମୟରେ ସେ ଈଶ୍ୱରଙ୍କଠାରେ ସମସ୍ତଭାର ଅର୍ପଣ କରି ତାଙ୍କଠାରୁ ସାହାଯ୍ୟ ଭିକ୍ଷା କରୁଛନ୍ତି। ଈଶ୍ୱର ସେହି ଦେଶରୁ ଦୁଷ୍ଟ ଲୋକମାନଙ୍କୁ ଉଚ୍ଛିନ୍ନ କରିବା ନିମନ୍ତେ ତାଙ୍କୁ ରାଜାଭିଷିକ୍ତ କରିଥିଲେ। କିନ୍ତୁ ସମସ୍ୟାର ଜଟିଳତା ତାଙ୍କୁ ବିଚଳିତ କରି ଦେଉଥିଲା। ବେଳେ ବେଳେ ଆମେ ଏହିପରି ଅନୁଭୁତି ଭିତରେ ଦେଇ ଯାଇଥାଉ। କୌଣସି ବିଷୟରେ ଚିନ୍ତିତ କିମ୍ବା ବ୍ୟସ୍ତ ନ ହୋଇ ପ୍ରଭୁଙ୍କଠାରେ ସମସ୍ତ ଭାର ଅର୍ପଣ କଲେ ସେ ଆମକୁ ସାହାଯ୍ୟ କରିବେ।
ଅନ୍ତର ସହ ପ୍ରାର୍ଥନା କର: ଦାଉଦ ମନୁଷ୍ୟମାନଙ୍କ ସାହାଯ୍ୟ ନ ଲୋଡ଼ି ଈଶ୍ୱରଙ୍କର ନ୍ୟାୟକୁ କାମନା କଲେ। ଶତ୍ରୁମାନଙ୍କ ଠାରୁ ପ୍ରତିଶୋଧ ନେଲେ ନାହିଁ। ମାତ୍ର ଈଶ୍ଵରଙ୍କ ମନର ମତ ଏକ ଦେଶ ହେବ ଏଥିପାଇଁ ଆର୍ତ୍ତସ୍ୱର କଲେ। ଦେଶରୁ ଅନ୍ୟାୟ ଦୂରୀଭୂତ ହୋଇ ନ୍ୟାୟ ପ୍ରତିଷ୍ଠିତ ହେଉ ବୋଲି ଆମେ ଅନ୍ତର ସହ ପ୍ରାର୍ଥନା କରିବା ଉଚିତ।
ଈଶ୍ୱରଙ୍କ ଇଛା ପୂରଣ କର: ଦାଉଦ ସବୁଭାର କେବଳ ପ୍ରଭୁଙ୍କଠାରେ ଅର୍ପଣ କଲେ ତାହା ନୁହେଁ, ମାତ୍ର ସେ ତାଙ୍କର ଇଚ୍ଛାକୁ ମଧ୍ୟ ପ୍ରଭୁଙ୍କଠାରେ ସମର୍ପଣ କଲେ। ଈଶ୍ୱର ତାଙ୍କ ଇଛାନୁସାରେ ଆମ ଜୀବନରେ କାର୍ଯ୍ୟ କରନ୍ତୁ ବୋଲି ଆମେ ନିବେଦନ କରିବା ଆବଶ୍ୟକ। ଏହି ଗୀତ ମାଧ୍ୟମରେ ଦାଉଦ ପାପ ବିରୁଦ୍ଧରେ ଦୃଢଭାବରେ ଠିଆ ହେବା ନିମନ୍ତେ ପ୍ରେରଣା ଯୋଗାଇଛନ୍ତି। ଈଶ୍ୱର ଦୁଃଖୀଲୋକମାନଙ୍କୁ ସାହାଯ୍ୟ କରିବାକୁ ପ୍ରତିଜ୍ଞା କରିଛନ୍ତି, ମାତ୍ର ଯେଉଁମାନେ ମନ୍ଦରୁ ବିମୁଖ ହୁଅନ୍ତି ନାହିଁ, ସେମାନଙ୍କର ସେ ନିତାନ୍ତ ବିଚାର କରିବେ।
🙏🙏🙏👍
ReplyDelete