ସଦାପ୍ରଭୁଙ୍କ ଉଦ୍ଦେଶ୍ୟରେ ପବିତ୍ର
ଯାତ୍ରା ୨୮:୩୧-୪୩
ଆଜିର ଚିନ୍ତା
ଆମର ଆହ୍ବାନକର୍ତ୍ତା ଯେପରି ପବିତ୍ର ଆମେ ସେହିପରି ପବିତ୍ର ହୋଇଛୁ କି ?
ଯାଜକମାନଙ୍କ ନିମନ୍ତେ ସ୍ବତନ୍ତ୍ର ଭାବରେ ପରିଧାନ ପ୍ରସ୍ତୁତ କରିବାକୁ ସଦାପ୍ରଭୁ ନିର୍ଦ୍ଦେଶ ଦେଇଥିଲେ । ବୁକୁପଟା, ଏଫୋଦ, ଚୋଗା, ବୁଟାଦାର ଜାମା, ପାଗ, କଟିବନ୍ଧନ ଇତ୍ୟାଦି ବସ୍ତ୍ର ସବୁ ପ୍ରସ୍ତୁତ କରାଯାଇଥିଲା ।
ନ୍ୟାୟବାନ ଈଶ୍ଵର :
ସୁବର୍ଣ୍ଣ କରି ଓ ରେଶମ ସୂତାର ନିର୍ମିତ ବର୍ଗାକାର ବୁକୁପଟା ଉପରେ ବାରଟି ରତ୍ନ ପଥର ଖଞ୍ଜା ଯାଇଥିଲା । ପ୍ରତ୍ୟେକ ରତ୍ନ ପଥର ଉପରେ ଇସ୍ରାଏଲର ଗୋଟିଏ ଗୋଟିଏ ବଂଶର ନାମ ଖୋଦିତ ହୋଇଥିଲା । ଏହି ବିଚାରର୍ଥକ ବୁକୁପଟାରେ ଉରିମ୍ ଓ ତୁମ୍ମୀମ୍ ନାମକ ଦୁଇଟି ଫଳକ ରଖାଯାଉଥିଲା । ଏହା ଥିଲା ଇସ୍ରାଏଲ ବଂଶ ନିମନ୍ତେ ନ୍ୟାୟର ପ୍ରାର୍ଥନା । ଇସ୍ରାଏଲ "ବିଶ୍ଵାସ" ପୁସ୍ତକର ରଚୟତା ଏଚ୍.ଏଚ୍ ରଲେ ମତଦିଅନ୍ତି ଉରିମ୍ ଓ ତୁମ୍ମୀମ୍ ଫଳକର "ଉରିମ୍ ପାର୍ଶ୍ଵ ନାସ୍ତିବାଚକକୁ ସୂଚାଏ ଓ 'ତୁମ୍ମୀମ୍' ପାର୍ଶ୍ଵ ଆସ୍ତିବାଚକ ନିଷ୍ପତ୍ତିକୁ ସୂଚାଏ । କୌଣସି ବିଷୟରେ ଯଥାର୍ଥ ନିଷ୍ପତ୍ତି ଓ ଈଶ୍ୱରଙ୍କ ଅଭିମତ ଜାଣିବା ନିମନ୍ତେ ଏହି ଫଳକକୁ ବ୍ୟବହାର କରାଯାଉଥିଲା । ଯଦି ତୁମ୍ମୀମ୍ ପଡୁଥିଲା, ତେବେ ନିଷ୍ପତ୍ତି ହଁ ହେଉଥିଲେ, ଯଦି ଉରିମ୍ ପଡୁଥିଲା, ନିଷ୍ପତ୍ତି ନା ହେଉଥିଲା । କିନ୍ତୁ ବିଶ୍ଵାସର ନେତା ସିଦ୍ଧିଦାତା ଯୀଶୁ, ସେ ଆମର ସମସ୍ତ ସମସ୍ୟାର ଉତ୍ତର ଅଟନ୍ତି ।
ପବିତ୍ର ଈଶ୍ଵର :
ଶୁଦ୍ଧ ସୁବର୍ଣ୍ଣର ଏକ ପାତ୍ରରେ ଏହି ଉକ୍ତି ଯଥା "ସଦାପ୍ରଭୁଙ୍କ ଉଦ୍ଦେଶ୍ୟରେ ପବିତ୍ର" ବୋଲି ଲିପିବଦ୍ଧ ହୋଇ ଯାଜକଙ୍କ ପଗଡିର ସାମ୍ନାରେ ଲଗା ଯାଉଥିଲା । ଈଶ୍ଵର ତାଙ୍କର ସନ୍ତାନମାନଙ୍କୁ ଗୋଟିଏ ସୁନ୍ଦର ମୁକୁଟ ସ୍ୱରୂପ କରିବାକୁ ଚାହାଁନ୍ତି (ଯିଶାୟ ୬୨:୪) । ଆମର ପ୍ରିୟ ପ୍ରଭୁଯୀଶୁ ଜଣେ ଦୟାଳୁ ଓ ବିଶ୍ବସ୍ତ ମହାଯାଜକ ଅଟନ୍ତି (ଏବ୍ରୀ ୨:୧୭) । ଆମର ଅନନ୍ତକାଳୀନ ଯାଜକ ଖ୍ରୀଷ୍ଟ ଯୀଶୁଙ୍କ ପରି ଆମେ ପବିତ୍ର ହୋଇପାରୁଛୁ କି ?
No comments:
Post a Comment
Kindly give your suggestions or appreciation!!!