ସୁସମାଚାର କାର୍ଯ୍ୟ
ଆଜିର ଚିନ୍ତା
ଲୁକ ୫:୧-୧୧
ସୁସମାଚାର କାର୍ଯ୍ୟରେ ମୋର କି ଭୂମିକା ରହିଛି ?
ଈଶ୍ଵରଙ୍କ ବାକ୍ୟ ଶୁଣିବା ପାଇଁ ଲୋକମାନେ ଯୀଶୁଙ୍କ ଉପରେ ମାଡ଼ି ପଡୁଥିଲେ । ବର୍ତ୍ତମାନ ସେହିପରି ଆଗ୍ରହ ନାହିଁ । ଧାରାବାହିକ ଜୀବନ ଏବଂ ଶିଥିଳତାର ଜୀବନ ଦେଖାଯାଉଛି । ସୁସମାଚାର କାର୍ଯ୍ୟକୁ ଆଗେଇ ନେବା ପାଇଁ ଈଶ୍ୱରଙ୍କ ବାକ୍ୟ ଅତି ଗୁରୁତ୍ବପୂର୍ଣ୍ଣ ଅଟେ । ସମସ୍ତଙ୍କ ନିକଟରେ ବାକ୍ୟ ଯେପରି ପହଞ୍ଚି ପାରିବ ଏଥିପାଇଁ ଖ୍ରୀଷ୍ଟୀୟ ବିଶ୍ଵାସୀର ଦାୟୀତ୍ଵ ରହିଛି । ମୁଁ ଉଦ୍ଧାର ପାଇଛି, ଅନ୍ୟମାନେ ଯେପରି ମନ ପରିବର୍ତ୍ତନ କରିବେ, ସେଥିପାଇଁ ମୋତେ ଉଦ୍ୟମ କାରିବାକୁ ପଡ଼ିବ ।
ସୁସମାଚାର କାର୍ଯ୍ୟରେ ସହଭାଗୀ: ଶିମୋନ ତାଙ୍କର ନୌକାକୁ ଦେଇ ଯୀଶୁଙ୍କର ସୁସମାଚାର କାର୍ଯ୍ୟରେ ସାହାଯ୍ୟ କରିଥିଲେ । ଗାଲିଲୀ ହ୍ରଦ କୂଳରେ ଦୁଇଟି ନୌକା ଥିଲା କିନ୍ତୁ ଯୀଶୁ ଶିମୋନଙ୍କର ନୌକାକୁ ମନୋନୀତ କଲେ । ସେ ଯେଉଁ କାର୍ଯ୍ୟ ପାଇଁ ପ୍ରେରିତ ହୋଇଥିଲେ ସେଥିପ୍ରତି ସେ ବିଶେଷ ମନୋଯୋଗୀ ଥିଲେ । ନୌକାଟି ଉତ୍ତମ କାର୍ଯ୍ୟରେ ବ୍ୟବହୃତ ହୋଇ ପାରିଥିଲା । ପ୍ରଭୁ ଆମର ଜୀବନରେ ଯାହା କିଛି ଦେଇଛନ୍ତି ସେହି ସମସ୍ତ ବିଷୟକୁ ସୁସମାଚାର କାର୍ଯ୍ୟରେ ଶିମୋନଙ୍କ ପରି ବ୍ୟବହାର କରିବାକୁ ପଡ଼ିବ । ତେବେ ଯାଇ ସୁସମାଚାର କାର୍ଯ୍ୟ ଆଗେଇ ପାରିବ ।
ଆଶୀର୍ବାଦର ଅଧିକାରୀ: ଶିମୋନ ଯୀଶୁଙ୍କର କଥାରେ ବାଧ୍ୟ ହେଲେ । ସାରା ରାତି ପରିଶ୍ରମ କରି ବିଫଳ ହୋଇଥିଲେ । କିନ୍ତୁ ସେ କହିଲେ "ଆପଣଙ୍କ କଥାରେ ମୁଁ ଜାଲ ପକାଇବି" (୫ପଦ) । ଯେଉଁ ଜାଗାରେ ବିଫଳ ହୋଇଥିଲେ, ସେହି ସ୍ଥାନରେ ସଫଳତା ପାଇ ପାରିଥିଲେ ବହୁତ ମାଛ ଦ୍ଵାରା ଜାଲ ଛିଣ୍ଡିବାକୁ ଲାଗିଲା । ସେ ବାଧ୍ୟ ହେଲେ ଏବଂ ବିଶ୍ଵାସ ମଧ୍ୟ କଲେ । ନୌକା ବୁଡ଼ିବାକୁ ଲାଗିଲା ଈଶ୍ଵର ଉଚ୍ଛୁଳା ଆଶୀର୍ବାଦ କରିଥାନ୍ତି । ଯୀଶୁଙ୍କର କାର୍ଯ୍ୟ ଏବଂ ଶିକ୍ଷା ଶିମୋନଙ୍କର ଜୀବନକୁ ପରିବର୍ତ୍ତନ କରିଥିଲା । ସେ ନିଜକୁ ପାପୀ ବୋଲି ଅନୁଭବ କଲେ ଏବଂ ନିଜର ପାପ ସ୍ଵୀକାର କଲେ । ସେ ଯୀଶୁଙ୍କର ଶିଷ୍ୟ ହେଲେ ଏବଂ ମନୁଷ୍ୟ ଧରିବା ପାଇଁ ତାଙ୍କୁ ମନୋନୀତ କରାଯାଇଥିଲା । ସେ ନିଜର ସମସ୍ତ ବିଷୟ ପରିତ୍ୟାଗ କରି ଯୀଶୁଙ୍କର ଅନୁଗମନ କଲେ । ଆମେ ଯଦି ପ୍ରଭୁଙ୍କର ଆଶୀର୍ବାଦ ପାଇଛୁ ତେବେ ଅନ୍ୟକୁ ସେଥିରେ ସହଭାଗୀ କରାଉ ।
No comments:
Post a Comment
Kindly give your suggestions or appreciation!!!