ମୃଦୁ ପ୍ରରୋଚନା

 ମୃଦୁ ପ୍ରରୋଚନା

ମାର୍କ ୧୨:୨୮-୩୪

ସେ ବୁଦ୍ଧି ସହିତ ଉତ୍ତର ଦେଇଛନ୍ତି ଦେଖି ଯୀଶୁ ତାଙ୍କୁ କହିଲେ, "ଈଶ୍ଵରଙ୍କ ରାଜ୍ୟଠାରୁ ତୁମେ ଦୂରବର୍ତ୍ତୀ ନୁହଁ" (ମାର୍କ ୧୨:୩୪)

ବ୍ୟବସାୟରେ ସଫଳ ହେବା ନିମନ୍ତେ ଆଜିକାଲି ଯେଉଁ ଲୋକମାନେ ଗ୍ରାହକ ମାନଙ୍କ ଉପରେ ମାନସିକ ଚାପ ପ୍ରୟୋଗ କରନ୍ତି, ସେମାନଙ୍କ ପ୍ରତି ମୁଁ ଅତ୍ୟନ୍ତ ନକରାର୍ତ୍ମକ ବ୍ଯବହାର ପ୍ରଦର୍ଶନ କରେ । କାରଣ ସେମାନଙ୍କର ବ୍ୟବହାର ମତେ ପସନ୍ଦ ଲାଗେ ନାହିଁ । ଅଣବିଶ୍ବାସୀମାନେ ଠିକ୍ ମୋ' ସଦୃଶ୍ୟ ପ୍ରତିକ୍ରିୟା ଖ୍ରୀଷ୍ଟିଆନମାନଙ୍କ ଉଦ୍ଦେଶ୍ୟରେ ପ୍ରକାଶ କରନ୍ତି, କାରଣ ଖ୍ରୀଷ୍ଟିଆନମାନେ ପରିତ୍ରାଣକର୍ତ୍ତା ରୁପେ ଯୀଶୁଙ୍କ ଠାରେ ବିଶ୍ଵାସ ସ୍ଥାପନ କରିବା ପାଇଁ ନିଷ୍ପତ୍ତି ନେବାକୁ ସେମାନଙ୍କ ଉପରେ ଚାପ ପ୍ରୟୋଗ କରନ୍ତି ।

ଆମର ପ୍ରଭୂ ଆମକୁ ଏକ ସୁନ୍ଦର ଉପାୟ ଶିଖାଇଲେ । ସେ ଧୈର୍ଯ୍ୟର ସହ ସତ୍ୟ ଶିକ୍ଷା ଦେଲେ, ଜାଣିଶୁଣି ଅବିଶ୍ବାସ କରିବାର ଗୁରୁତର ପରିଣାମ ବିଷୟ ସରଳ ଭାବେ ଘୋଷଣା କଲେ, ଆଉ ପାପରେ  ହଜି ଯାଇଥିବା ଲୋକମାନଙ୍କୁ ପରିତ୍ରାଣ ନିମନ୍ତେ ତାଙ୍କ ନିକଟକୁ ଆସିବା ପାଇଁ କୋମଳ ଭାବରେ ନିମନ୍ତ୍ରଣ ଜଣାଇଲେ। ଯେଉଁ ଶାସ୍ତ୍ରୀ ଯୀଶୁଙ୍କ ନିକଟକୁ ଗୋଟିଏ ପ୍ରଶ୍ନର ଉତ୍ତର ଜାଣିବାକୁ ଆସିଥିଲେ, ସେ ଯୀଶୁଙ୍କ ଉତ୍ତରରେ ସନ୍ତୁଷ୍ଟ ହେଲେ ( ମାର୍କ ୧୨:୨୮-୩୪)

ସେ ଅନ୍ୟ ଶାସ୍ତ୍ରୀମାନଙ୍କ ଭଳି ନ ହୋଇ ଯୀଶୁଙ୍କ ପ୍ରଂଶସା କଲେ। ତାଙ୍କ ନିମନ୍ତେ କେବଳ ଗୋଟାଏ ବିଷୟ ଥିଲା - ଯୀଶୁଙ୍କୁ ମଶୀହ ରୂପେ ସ୍ଵୀକାର କରି ତାଙ୍କଠାରେ ଭରସା ସ୍ଥାପନ କରିବା । ଏଣୁ ପ୍ରଭୂ ତାଙ୍କୁ ଉତ୍ସାହ ଦେଇ  କହିଲେ "ଈଶ୍ଵରଙ୍କ ରାଜ୍ୟଠାରୁ ତୁମେ ଦୂରବର୍ତ୍ତୀ ନୁହଁ" (୩୪ ପଦ)

ଯୀଶୁଙ୍କର ଏହି କାର୍ଯ୍ୟରୁ ଆମେ ଶିକ୍ଷା ଲାଭ କରୁ। ଆମର କାର୍ଯ୍ୟ ହେଉଛି, ପ୍ରେମରେ ସତ୍ୟ ପ୍ରକାଶ କରିବା, ଯେପରି ଲୋକମାନେ ସ୍ପଷ୍ଟ ରୁପେ ଜାଣିବେ ଯେ ପରିତ୍ରାଣ ପାଇବା ନିମନ୍ତେ ସେମାନଙ୍କୁ କ'ଣ କରିବାକୁ ହେବ । ଏହାପରେ ଈଶ୍ଵରଙ୍କ ଆତ୍ମା ଅବଶିଷ୍ଟ କାର୍ଯ୍ୟ  ସାଧନ କରିବେ। ଆମେ ଲୋକ ମାନଙ୍କ ମନରେ ବିଶ୍ଵାସ ଜନ୍ମାଇ ପାରିବା ନାହିଁ। କିନ୍ତୁ ସେମାନେ ଯୀଶୁଙ୍କ ବିଷୟ ଯେପରି ସ୍ପଷ୍ଟ ରୂପେ ଜାଣିପାରିବେ, ଏହି ବିଷୟରେ ଆମେ ନିଶ୍ଚିତ ହେବା ଆବଶ୍ୟକ।