ଖ୍ରୀଷ୍ଟିଆନମାନେ କାହିଁକି ପ୍ରେମ ଅଭ୍ୟାସ କରନ୍ତି?
ମିଥ୍ୟା/ଭଣ୍ଡ ଶିକ୍ଷକମାନଙ୍କ ଆତ୍ମ-କେନ୍ଦ୍ରିକ ଏବଂ ବିନାଶକାରୀ ଦର୍ଶନ ଏବଂ ମିଥ୍ୟା ଶିକ୍ଷା ଅଭ୍ୟାସଗୁଡ଼ିକର ସମ୍ପୂର୍ଣ୍ଣ ବିପରୀତ ଭାବରେ, ଯୋହନ ଖ୍ରୀଷ୍ଟିଆନମାନେ ପ୍ରେମ ଅଭ୍ୟାସ କରିବାର ଶକ୍ତିଶାଳୀ କାରଣଗୁଡ଼ିକୁ ପ୍ରକାଶ କରନ୍ତି | ୧ ଯୋହନ ୪: ୭-୨୧ ରେ, ପ୍ରେରିତ ଯୋହନ ନିମ୍ନଲିଖିତ ପାଞ୍ଚଟି କାରଣ ଅନ୍ତର୍ଭୁକ୍ତ କରିଛନ୍ତି:
- ଖ୍ରୀଷ୍ଟିଆନମାନେ ସାଧାରଣତଃ ଅଭ୍ୟାସଗତଭାବେ ପ୍ରେମ କରିବା ଅଭ୍ୟାସ କରନ୍ତି କାରଣ ଈଶ୍ବର, ଯିଏ ସେମାନଙ୍କ ଅନ୍ତରରେ ରୁହନ୍ତି, ସେ ହେଉଛି ପ୍ରେମର ମୂଳ ବିଷୟ | ନୋଷ୍ଟିକ୍ସ (Gnostics) ବିଶ୍ଵାସ କରୁଥିଲେ ଯେ ଈଶ୍ଵର ଅପରିଚିତ ଆତ୍ମା ଏବଂ ଆଲୋକ/ଜ୍ୟୋତିଃ ଥିଲେ, କିନ୍ତୁ ପ୍ରେମର ଉତ୍ସକୁ ତାଙ୍କ ଅନ୍ତରରୁ ଆସିଥିବା ପରି ବ୍ୟାଖ୍ୟା କରିନଥିଲେ | ଯେପ୍ରକାରେ ଈଶ୍ବର ଆତ୍ମା (ଯୋହନ: ୪:୨୪), ଆଲୋକ/ଜ୍ୟୋତିଃ (ଯୋହନ ୧: ୫), ଏବଂ ଏକ ଗ୍ରାସକାରୀ ଅଗ୍ନି (ଏବ୍ରୀ ୧୨:୨୯), ସେହିପ୍ରକାରେ ସେ ପ୍ରେମ (୪: ୭, ୮) ଅଟନ୍ତି | ସେହି ପ୍ରେମ ସେ ଯାହା ଅଟନ୍ତି ଏବଂ ସେ ଯାହା କରନ୍ତି ସେଥିରେ ଅନ୍ତର୍ନିହିତ ଅଟେ | ଏପରିକି ତାଙ୍କର ବିଚାର ଏବଂ କ୍ରୋଧ ମଧ୍ୟ ତାଙ୍କ ପ୍ରେମ ସହିତ ସମ୍ପୂର୍ଣ୍ଣ ଭାବରେ ସମନ୍ୱିତ |
ଖ୍ରୀଷ୍ଟିଆନମାନେ ସାଧାରଣତଃ ଅଭ୍ୟାସଗତଭାବେ ପ୍ରେମ କରିବା ଅଭ୍ୟାସ କରନ୍ତି କାରଣ ସେମାନେ ଈଶ୍ବରଙ୍କ ନିସ୍ଵାର୍ଥପର ପ୍ରେମର ସର୍ବୋଚ୍ଚ ଉଦାହରଣକୁ ଅନୁକରଣ କରିବାକୁ ଇଚ୍ଛା କରନ୍ତି, ଯାହା ସେ ତାଙ୍କ ଅଦ୍ଵିତୀୟ ପୁତ୍ରଙ୍କୁ ଆମ ନିମନ୍ତେ ପଠାଇବା ଦ୍ଵାରା ପ୍ରକାଶ କଲେ । (୪: ୯)
ଖ୍ରୀଷ୍ଟିଆନମାନେ ସାଧାରଣତଃ ଅଭ୍ୟାସଗତଭାବେ ପ୍ରେମ କରିବା ଅଭ୍ୟାସ କରନ୍ତି କାରଣ ପ୍ରେମ ହେଉଛି ଖ୍ରୀଷ୍ଟିଆନମାନଙ୍କ ସାକ୍ଷ୍ୟର ମୂଳ ବିଷୟ (୪:୧୨) | ସେ ଅଦୃଶ୍ୟ ହୋଇଥିବାରୁ ଈଶ୍ଵର ପ୍ରେମ କରୁଥିବା କେହି ଦେଖି ପାରିବେ ନାହିଁ | ଈଶ୍ବରଙ୍କ ପ୍ରେମ ପ୍ରକାଶ କରିବାକୁ ଯୀଶୁ ଆଉ ଜଗତରେ ନାହାଁନ୍ତି | ଏହି ଯୁଗରେ ଈଶ୍ବରଙ୍କ ପ୍ରେମର ଏକମାତ୍ର ପ୍ରଦର୍ଶନ ହେଉଛି ଚର୍ଚ୍ଚ/ମଣ୍ଡଳୀ | ସେହି ସାକ୍ଷ୍ୟ ହେଉଛି ଗୁରୁତ୍ଵପୂର୍ଣ୍ଣ (ଯୋହନ ୧୩:୩୫; ୨ କରିନ୍ଥୀୟ ୫: ୧୮-୨୦) ।
ଖ୍ରୀଷ୍ଟିଆନମାନେ ସାଧାରଣତଃ ଅଭ୍ୟାସଗତଭାବେ ପ୍ରେମ କରିବା ଅଭ୍ୟାସ କରନ୍ତି କାରଣ ପ୍ରେମ ହେଉଛି ଖ୍ରୀଷ୍ଟିଆନଙ୍କ ନିଶ୍ଚିତତା (୪: ୧୩-୧୬; ୩: ୨୧) | ପ୍ରେମ ଆତ୍ମ-ନିନ୍ଦାକୁ ବାରଣ କରେ | ଯେତେବେଳେ ଜଣେ ଖ୍ରୀଷ୍ଟିୟାନ ତାଙ୍କ ଜୀବନରେ ପ୍ରେମ କାର୍ଯ୍ୟର ପ୍ରକାଶକୁ ଚିହ୍ନିଥାଏ, ଯାହା ଫଳରେ ଈଶ୍ବରଙ୍କ ସହିତ ଥିବା ସମ୍ପର୍କ ବିଷୟରେ ତାଙ୍କୁ ଆତ୍ମବିଶ୍ୱାସରେ ପରିଣତ କରିଥାଏ |
ଖ୍ରୀଷ୍ଟିଆନମାନେ ସାଧାରଣତଃ ଅଭ୍ୟାସଗତଭାବେ ପ୍ରେମ କରିବା ଅଭ୍ୟାସ କରନ୍ତି କାରଣ ପ୍ରେମ ହେଉଛି ବିଚାରରେ ଖ୍ରୀଷ୍ଟିଆନଙ୍କ ଆତ୍ମବିଶ୍ୱାସ (୪: ୧୭-୨୦; ୩: ୧୬-୨୩) | ଆତ୍ମବିଶ୍ୱାସ ହେଉଛି ପରିପକ୍ଵ ପ୍ରେମର ଏକ ସଙ୍କେତ ଅଟେ | ଏହା ଖ୍ରୀଷ୍ଟିଆନଙ୍କ ଜୀବନରେ ପାପହୀନ ସିଦ୍ଧତାକୁ ସୂଚାଇବା ପାଇଁ ନୁହେଁ, ବରଂ ବିଚାରସଭାରେ ସାମ୍ନା କରିବାକୁ ଆତ୍ମବିଶ୍ୱାସ ଦ୍ୱାରା ଚିହ୍ନିତ ପ୍ରେମର ଏକ ଅଭ୍ୟାସ | ଖ୍ରୀଷ୍ଟିଆନମାନେ ଭଲ ପାଆନ୍ତି, ବିଚାରରୁ ରକ୍ଷା ପାଇବା ପାଇଁ ନୁହେଁ, କିନ୍ତୁ ସେମାନେ ବିଚାରରୁ ରକ୍ଷା ପାଇଥିବାରୁ ।
Nice
ReplyDelete