ଆଦର୍ଶ ମିଶନାରୀ
ଆଜିର ଚିନ୍ତା
ପ୍ରେରିତ ୧୪:୨୧-୨୮
ମିଶନାରୀ ହେବାର ଯୋଗ୍ୟତା ମୋର ଅଛି କି ?
ପାଉଲ ଓ ବର୍ଣ୍ଣବବା ଯେଉଁ କାର୍ଯ୍ୟ ନିମନ୍ତେ ପବିତ୍ର ଆତ୍ମା ଆହ୍ଵାନ କରିଥିଲେ, ତାହା କରିବା ପାଇଁ ମଣ୍ଡଳୀ ସେମାନଙ୍କୁ ହସ୍ତାର୍ପଣ କରି ପ୍ରେରଣ କରିଥିଲେ (ପ୍ରେରିତ ୧୩:୨-୩) । ଯାହାର ଫଳସ୍ୱରୂପ ପାଉଲ ଓ ବର୍ଣ୍ଣବବା ୩ ବର୍ଷ ପର୍ଯ୍ୟନ୍ତ ତାଙ୍କ ପ୍ରଥମ ମିଶନାରୀ ଯାତ୍ରା କରିଥିଲେ ।
I
ଅନେକଙ୍କୁ ଶିଷ୍ୟ କର :
ପ୍ରଭୁ ଯୀଶୁଙ୍କର ଶେଷ ଆଦେଶ ତୁମ୍ଭେ ସମଗ୍ର ମାନବ ଜାତି ନିକଟକୁ ଯାଅ ଓ ସେମାନଙ୍କୁ ମୋ ବିଷୟରେ ଶିକ୍ଷା ଦେଇ ସେମାନଙ୍କୁ ଶିଷ୍ୟ କର । ପାଉଲ ଓ ବର୍ଣ୍ଣବବା ସେମାନଙ୍କର ପ୍ରଥମ ମିଶନାରୀ ଯାତ୍ରା ସମୟରେ ଏହି ପ୍ରଧାନ ଆଜ୍ଞା ଉପରେ ଗୁରୁତ୍ବ ଦେଇ ତାହା ପାଳନ କରିଥିଲେ ।
ଆଗାମୀ ତାଡନା ନିମନ୍ତେ ପ୍ରସ୍ତୁତି :
କେବଳ ଯେ ଶିଷ୍ୟ କରି ସେମାନଙ୍କୁ ଛାଡ଼ି ଦେବା ତାହା ନୁହେଁ, ମାତ୍ର ଆଗାମୀ କ୍ଳେଶ ଓ ପରୀକ୍ଷା ନିମନ୍ତେ ସେମାନଙ୍କର ବିଶ୍ଵାସକୁ ଦୃଢ଼ କରି ସଦା ପ୍ରସ୍ତୁତ ରହିବା ନିମନ୍ତେ ସେମାନଙ୍କୁ ଶିକ୍ଷିତ କରିବା । ଏହା ମଧ୍ୟ ଏକ ମିଶନାରୀର ଗୁରୁଦାୟିତ୍ବ ଅଟେ ଯାହା ପାଉଲ କରିଥିଲେ । ତେଣୁ ୨ ତୀମଥି ୩:୧୨ରେ ପାଉଲ ଲେଖିଲେ, ଯେଉଁମାନେ ଖ୍ରୀଷ୍ଟ ଯୀଶୁଙ୍କ ସହଭାଗୀତାରେ ଧର୍ମଜୀବନଯାପନ କରିବାକୁ ଇଚ୍ଛା କରନ୍ତି, ସେମାନେ ତାଡନା ଭୋଗ କରିବେ ।
ପ୍ରାଚୀନମାନଙ୍କୁ ନିଯୁକ୍ତି :
ମିଶନାରୀମାନଙ୍କ ଅନୁପସ୍ଥିତିରେ ବିଶ୍ବାସୀମାନଙ୍କୁ ଈଶ୍ୱରଙ୍କ ବାକ୍ୟ ପ୍ରଦାନ କରି ବିଶ୍ଵାସରେ ଦୃଢ଼ କରାଇବା ନିମନ୍ତେ ପାଉଲ ଉପବାସ ପ୍ରାର୍ଥନା କରି ପ୍ରାଚୀନମାନଙ୍କୁ ନିଯୁକ୍ତ କଲେ ଓ ସେମାନଙ୍କୁ ଈଶ୍ୱରଙ୍କ ହସ୍ତରେ ସମର୍ପଣ କଲେ (୨୩ପଦ) ।
ଉତ୍ସାହ ପ୍ରଦାନକାରୀ :
ପାଉଲ ଓ ବର୍ଣ୍ଣବବା ସେମାନଙ୍କ ଦ୍ଵାରା ସ୍ଥାପିତ ମଣ୍ଡଳୀରେ ଉପସ୍ଥିତ ହୋଇ ମଣ୍ଡଳୀକୁ ଏକତ୍ର କରି ସେମାନଙ୍କୁ ନିଜର ସାକ୍ଷ୍ୟ ଓ ବାକ୍ୟ ଦ୍ଵାରା ଈଶ୍ୱରଙ୍କୁ ଗୌରବାନ୍ଵିତ କରିବା ସଙ୍ଗେ ସଙ୍ଗେ ମଣ୍ଡଳୀର ସମସ୍ତଙ୍କୁ ଈଶ୍ୱରଙ୍କ ରାଜ୍ୟ ନିମନ୍ତେ କାର୍ଯ୍ୟ କରିବା ପାଇଁ ଉତ୍ସାହ ପ୍ରଦାନ କଲେ ।
ଆଜି ଈଶ୍ୱରଙ୍କ ରାଜ୍ୟ ବିସ୍ତାର ନିମନ୍ତେ ଈଶ୍ୱରଙ୍କୁ ସାହାଯ୍ୟ ମାଗି ଅନେକଙ୍କୁ ତାଙ୍କ ରାଜ୍ୟର ଅଂଶୀ କରାଇବା ଆମର ଦାୟିତ୍ଵ ଓ ଲକ୍ଷ୍ୟ ହେବା ଉଚିତ୍ ।