Was Jesus Sinless???

ସ୍ଵର୍ଗ ରାଜ୍ୟ କାହା ପରି?

 What the Kingdom of God is Like?

ସ୍ଵର୍ଗ ରାଜ୍ୟ କାହା ପରି?
ସ୍ଵର୍ଗ ରାଜ୍ୟ	ସନ୍ଦର୍ଭ
ଆପଣା କ୍ଷେତରେ ଭଲ ବିହନ ବୁଣିଥିବା ଜଣେ ବ୍ୟକ୍ତିଙ୍କ ସଦୃଶ	ମାଥିଉ ୧୩:୨୪-୩୦
ଗୋଟିଏ ସୋରିଷଦାନା ପରି	ମାଥିଉ ୧୩:୩୧-୩୨; ଲୂକ ୧୩:୧୯
ଖମୀର ସଦୃଶ ଜଣେ ସ୍ତ୍ରୀ ତାହା ଘେନି ମହଣେ ମଇଦା ମଧ୍ୟରେ ଘୋଡାଇ ରଖିଲା	ମାଥିଉ ୧୩:୩୩ ; ଲୂକ ୧୩:୨୧
କ୍ଷେତ୍ରରେ ଗୁପ୍ତ ହୋଇଥିବା ଧନ ସଦୃଶ	ମାଥିଉ ୧୩:୪୪
ଉତ୍ତମ ଉତ୍ତମ ମୁକ୍ତା ଅନ୍ଵେଷଣ କରୁଥିବା ଜଣେ ବଣିକ ସଦୃଶ	ମାଥିଉ ୧୩:୪୫-୪୬
ସମୁଦ୍ରରେ ନିକ୍ଷିପ୍ତ ସର୍ବପ୍ରକାର ମତ୍ସ୍ୟ ସଂଗ୍ରହକାରୀ ଗୋଟିଏ ଟଣା ଜାଲ ସଦୃଶ	ମାଥିଉ ୧୩:୪୭-୪୮
ଆପଣା ଦାସମାନଙ୍କ ସହିତ ହିସାବ କରିବାକୁ ଇଚ୍ଛୁକ ଜଣେ ରାଜାଙ୍କ ସଦୃଶ	ମାଥିଉ ୧୮-୨୩-୨୫
ଜଣେ ଗୃହକର୍ତ୍ତାଙ୍କ ସଦୃଶ ଯିଏ ଆପଣା ଦ୍ରାକ୍ଷାକ୍ଷ୍ରେତରେ ମୁଲିଆ ଲଗାଇବାକୁ ବାହାରିଲେ	ମାଥିଉ ୨୯:୧-୧୬
ଜଣେ ରାଜାଙ୍କ ସଦୃଶ ଯିଏ ଆପଣା ପୁତ୍ରଙ୍କ ବିବାହ ଉତ୍ସବ ଆୟୋଜନ କଲେ	ମାଥିଉ ୨୨:୨-୧୪

ଆଦ୍ଯ ମଣ୍ଡଳୀରେ ଘଟିଥିବା ଆଶ୍ଚର୍ଯ୍ୟକର୍ମ ସବୁ

             Miracles in the Early Church

ଆଦ୍ଯ ମଣ୍ଡଳୀରେ ଘଟିଥିବା ଆଶ୍ଚର୍ଯ୍ୟକର୍ମ ସବୁ
ଆଶ୍ଚର୍ଯ୍ୟକର୍ମ	ସନ୍ଦର୍ଭ
ଖଞ୍ଜ ଭିକାରୀର ସୁସ୍ଥତା	ପ୍ରେରିତ ୩:୬-୯
ହନନୀୟ ଓ ଶଫୀରାଙ୍କ ହଠାତ ମୃତ୍ୟୁ	ପ୍ରେରିତ ୫:୧-୧୦
ଶାଉଲ ଦୃଷ୍ଟି ପାଇଲେ	ପ୍ରେରିତ ୯:୧୭-୧୮
ପିତର ଏନୀୟଙ୍କୁ ପକ୍ଷାଘାତରୁ ସୁସ୍ଥତା କଲେ	ପ୍ରେରିତ ୯:୩୩-୩୫
ପିତର ଦର୍କାଙ୍କୁ ମୃତ୍ୟୁରୁ ଉଠାଇଲେ	ପ୍ରେରିତ ୯:୩୬-୪୧
ଶାଉଲ ଅଲ୍ଲୀମାଙ୍କୁ ଅନ୍ଧ କଲେ	ପ୍ରେରିତ ୧୩:୮-୧୧
ପାଉଲ ଲୁସ୍ତ୍ରା ରେ ଜଣେ ଖଞ୍ଜକୁ ସୁସ୍ଥ କଲେ	ପ୍ରେରିତ ୧୪:୮-୧୦
ଦୈବଜ୍ଞ ଆତ୍ମାବିଷ୍ଟ ଜଣେ ଦାସୀଙ୍କୁ ପାଉଲ ସୁସ୍ଥ କଲେ	ପ୍ରେରିତ ୧୬:୧୬-୧୮
ଇଉତୁଖଙ୍କୁ ପାଉଲ ମୃତ୍ୟୁରୁ ଉଠାଇଲେ	ପ୍ରେରିତ ୨୦:୯-୧୦
କାଳସାପ ପାଉଲଙ୍କୁ କିଛି କ୍ଷତି କଲା ନାହିଁ	ପ୍ରେରିତ ୨୮:୩-୫
ପୁବ୍ଲିୟଙ୍କ ପିତାଙ୍କୁ ପାଉଲ ସୁସ୍ଥ କଲେ	ପ୍ରେରିତ ୨୮:୭-୯

ଦାମ୍ଭିକ ମନ

 ଦାମ୍ଭିକ ମନ

ଆଜିର ଚିନ୍ତା

ଯାତ୍ରା ୧୧:୧-୧୦

ସୁଯୋଗ ଥାଉ ଥାଉ ଆମେ ମନ ପରିବର୍ତ୍ତନ କରିବା କି? 

ଜଗତର ସନ୍ତାନମାନେ ଦୁଃଖ ପାଇଲେ ସେମାନଙ୍କ ପିତାମାତା ଦୁଃଖରେ ଭାଙ୍ଗି ପଡନ୍ତି ଏବଂ ସେମାନଙ୍କୁ ରକ୍ଷା କରିବାକୁ ଲାଗିପଡ଼ନ୍ତି । ଯଦି ଜଗତର ପିତାମାତା ବ୍ୟସ୍ତ ହୋଇ ପଡନ୍ତି, ତେବେ ଆମ ସ୍ୱର୍ଗୀୟ ପିତା ଆମ ପାଇଁ କେତେ ଅଧିକ ଚିନ୍ତା କରୁ ନ ଥିବେ । ଆଜିର ଶାସ୍ତ୍ରାଂଶରେ ଦେଖୁ, ଇସ୍ରାଏଲୀୟମାନେ ଉଦ୍ଧାର ପାଇଁ ଈଶ୍ୱରଙ୍କ ନିକଟରେ କ୍ରନ୍ଦନ କରିବାରୁ ଈଶ୍ଵର ମୋଶା ଓ ହାରୋଣଙ୍କୁ ଉଦ୍ଧାର ପାଇଁ ପ୍ରେରଣ କଲେ । 

ଦୁଷ୍ଟମାନଙ୍କ ପାଇଁ ସୁଯୋଗ : 

ନଅଟି ମହାମାରୀ ଘଟିବା ପରେ ମଧ୍ୟ ଫାରୋଙ୍କ ହୃଦୟ କଠିନ ହୋଇଥିଲା, ତେବେ ପ୍ରଶ୍ନ ଉଠେ ମୋଶାଙ୍କ ଦ୍ଵାରା ଏତେ ଆଶ୍ଚର୍ଯ୍ୟକାର୍ଯ୍ୟ ଦେଖିଲେ ମଧ୍ୟ କାହିଁକି ଫାରୋ ଏତେ ଦାମ୍ଭିକ ହୋଇଥିଲେ ? କାରଣ ସେ ନିଜକୁ ସର୍ବୋଚ୍ଚ ସ୍ଥାନରେ ରଖିଥିଲେ । ଏଇ କ୍ଷମତା ତାଙ୍କୁ ଈଶ୍ୱରଙ୍କ ପ୍ରତି ଅନ୍ଧ କରିଦେଇଥିଲା । ଈଶ୍ୱରଙ୍କ କ୍ଷମତାକୁ ବୁଝିବାକୁ ୧୦ମ ମହାମାରୀ ଯାହା ସବୁଠାରୁ କଷ୍ଟଦାୟକ ତାହା ଘଟିବାକୁ ଯାଉଥିଲା । ସର୍ବୋଚ୍ଚ ଆସନରେ ବସିଥିବା ଫାରୋଙ୍କଠାରୁ ଆରମ୍ଭ କରି ତାଙ୍କ ଦାସର ପ୍ରଥମ ସନ୍ତାନ, ପଶୁମାନଙ୍କର ମଧ୍ୟ ପ୍ରଥମଜାତ ସନ୍ତାନର ମୃତ୍ୟୁ ହେବ । ଦେଶରେ କ୍ରନ୍ଦନର ରୋଳ ଉଠିବ ଯଦ୍ଵାରା ଫାରୋ ଈଶ୍ୱରଙ୍କ ଲୋକମାନଙ୍କୁ ତଡି ଦେବେ । ସେଦିନ ଫାରୋ ଓ ମିସ୍ରୀୟମାନଙ୍କ ପାଇଁ ସୁଯୋଗ ଥିଲା, ଯେପରି ପ୍ରତ୍ୟକେ ଈଶ୍ୱରଙ୍କ ପ୍ରତି ଫେରିବେ । ଯିହିଜିକଲ ୩୩:୧୧ ରେ ଲେଖାଯାଏ, ଦୁଷ୍ଟର ମୃତ୍ୟୁରେ ଈଶ୍ୱରଙ୍କ ଆନନ୍ଦ ନାହିଁ ।

ପ୍ରେମିକ ପିତା ଈଶ୍ଵର : 

ଈଶ୍ଵର ତାଙ୍କ ମନୋନୀତ ଗୋଷ୍ଠୀଙ୍କୁ ଏତେ ପ୍ରେମ କରନ୍ତି ଯେ ୭ ପଦରେ ଲେଖାଯାଏ, କୁକୁର ମଧ୍ୟ ସେମାନଙ୍କର କ୍ଷତି କରିବେ ନାହିଁ । ଏହା ତାଙ୍କର ମନୋନୀତ ଦାସ ଅବ୍ରାହମ୍, ଇସହାକ ଓ ଯାକୁବଙ୍କ ନିକଟରେ ପ୍ରତିଜ୍ଞା ଥିଲା । ଆଜି ମଧ୍ୟ ଆମ ପ୍ରତି ତାଙ୍କ ପ୍ରେମ ଅତୁଳନୀୟ । ମାତ୍ର ସେ ଆମର ନମ୍ର  ହୃଦୟ ଆଶା କରନ୍ତି, ଯେପରି ସେ ଆମ ଜୀବନରେ ମଧ୍ୟ ଆଶ୍ଚର୍ଯ୍ୟକାର୍ଯ୍ୟ କରିପାରିବେ । ଆମର ଦାମ୍ଭିକ ମନୋବୃତ୍ତି ତ୍ୟାଗ କରି ତାଙ୍କ ପ୍ରତି ଫେରୁ ଏହା ସେ ଚାହାଁନ୍ତି । ଆସନ୍ତୁ ସୁଯୋଗର ସଦ୍ ବ୍ୟବହାର କରି ଈଶ୍ୱରଙ୍କ ସହଭାଗିତାରେ ରହିବା । 

ଶେଷ ରାତ୍ର

 ଶେଷ ରାତ୍ର

ଆଜିର ଚିନ୍ତା

ଯାତ୍ରା ୧୨:୨୧-୪୨

ଆଜି ମୋର ସନ୍ତାନମାନେ ଉଦ୍ଧାରପ୍ରାପ୍ତ ହୋଇଛନ୍ତି କି ?

ଆଜିର ଭୟଙ୍କର ପରିସ୍ଥିତିରେ ଲୋକମାନଙ୍କୁ ସତର୍କ କରାଯାଉଛି "ଘରେ ରୁହ ସୁରକ୍ଷିତ ରୁହ" ଏଇ ଅଂଶରେ ମଧ୍ୟ ଦେଖୁ ମୋଶା ଇସ୍ରାଏଲୀୟମାନଙ୍କୁ ସତର୍କ କରି କହୁଥିଲେ ପ୍ରଭାତ ଯାଏ ଗୃହ ଦ୍ଵାରରୁ ବାହାରକୁ ନ ଯିବାକୁ, କାରଣ ଘର ବାହାରେ ମୃତ୍ୟୁ ଅଛି । 

ଉଦ୍ଧାରର ଦିନ : ଇସ୍ରାଏଲୀୟମାନଙ୍କୁ ମୋଶାଙ୍କ ଆଜ୍ଞା ଥିଲା ନିସ୍ତାର ପର୍ବର ବିଧିସବୁ ନିଜ ସନ୍ତାନମାନଙ୍କୁ ଜଣାଇବା ପାଇଁ, କାରଣ ଏହା ଇସ୍ରାଏଲୀୟମାନଙ୍କ ଉଦ୍ଧାରର ଦିନ, ପୁରୁଷାନୁକ୍ରମେ ପ୍ରତ୍ୟେକେ ସଦାପ୍ରଭୁଙ୍କ କାର୍ଯ୍ୟ ବିଷୟରେ ଶୁଣନ୍ତୁ ଏବଂ ତାଙ୍କ ଆଜ୍ଞା ପାଳନ କରନ୍ତୁ । ଆଜି ଆମେ ଆମ ପିଲାମାନଙ୍କୁ ଈଶ୍ୱରଙ୍କ ଜ୍ଞାନରେ ଶିକ୍ଷିତ କରୁ, ତାହା ସେ ଆଶା କରନ୍ତି । ସମଗ୍ର ମିସ୍ରୀୟ ଦେଶରେ ମୃତ୍ୟୁ ଓ କ୍ରନ୍ଦନର ରୋଳ । ଇସ୍ରାଏଲୀୟମାନଙ୍କୁ ଛାଡ଼ିବା ବ୍ୟତୀତ ଫାରୋଙ୍କ ନିକଟରେ ଆଉ କୌଣସି ଉପାୟ ନ ଥିଲା । ସଦାପ୍ରଭୁଙ୍କ ଆଜ୍ଞା ଅନୁସାରେ ଫାରୋ ଏବଂ ସମଗ୍ର ଦେଶସ୍ଥ ଲୋକମାନେ ଇସ୍ରାଏଲୀୟମାନଙ୍କୁ ସବୁ ଦେଇ ଶୀଘ୍ର ଦେଶରୁ ବାହାରିବା ପାଇଁ ଅନୁରୋଧ କରୁଛନ୍ତି । ଯେଉଁ ଫାରୋ ଯାତ୍ରା ୧୦:୧୧ ରେ ମୋଶାଙ୍କୁ କହୁଛନ୍ତି "ଆମ୍ଭ ମୁଖ ଆଉ ଦେଖିବ ନାହିଁ" ସେ ଏଠାରେ କହୁଛନ୍ତି "ଯିବା ଆଗରୁ ଆମ୍ଭକୁ ଆଶୀର୍ବାଦ କର" । ଅନେକ ସମୟରେ ଈଶ୍ଵରଙ୍କ କାର୍ଯ୍ୟ ଆମେ ଉପଯୁକ୍ତ ସମୟରେ ବୁଝି ନ ପାରି ପରେ ବୁଝିଥାଉ ।

ଆନନ୍ଦର ଦିନ : ଶେଷରେ ଇସ୍ରାଏଲୀୟମାନେ ଦେଶରୁ ବାହାରିଲେ, ସେମାନଙ୍କ ପାଖେ ଭୋଜନ ପ୍ରସ୍ତୁତିର ସମୟ ନ ଥିଲା । ୪୩୦ ବର୍ଷର ବନ୍ଧନରୁ ମୁକ୍ତି ପାଇଲେ । କେବଳ ପୁରୁଷଙ୍କ ସଂଖ୍ୟା ଛଅ ଲକ୍ଷ ଥିଲା । ଏହି ରାତ୍ରି ଥିଲା ସଦାପ୍ରଭୁଙ୍କର । ବିଭିନ୍ନ ମହାମାରୀ ଦ୍ଵାରା ଈଶ୍ଵର ଫାରୋ ଓ ମିସ୍ରୀୟମାନଙ୍କୁ ଜଣାଇଲେ ତାଙ୍କର ଲୋକମାନେ ଏହି ଦେଶରେ ବନ୍ଧନଗ୍ରସ୍ତ ହୋଇ ରହିବେ ନାହିଁ । ସେ ସେମାନଙ୍କ ପାଇଁ ମୁକ୍ତିର ପଥ ପ୍ରସ୍ତୁତ କଲେ । ଠିକ୍ ସେହିପରି ନୂତନ ନିୟମରେ ଈଶ୍ୱରଙ୍କ ଏକମାତ୍ର ପୁତ୍ର ଖ୍ରୀଷ୍ଟ ଯୀଶୁଙ୍କ କ୍ରୃଶାର୍ପିତ ରକ୍ତ ଦ୍ଵାରା ପାପର ବନ୍ଧନରେ ଥିବା ଅନେକଙ୍କର ମୁକ୍ତି ସାଧିତ ହେଉଛି । ଆମେ ସେହି ରକ୍ତରେ ବିଶ୍ବାସ କରି ଉଦ୍ଧାରପ୍ରାପ୍ତ ହେବା କି ?