ଦୋଷାରୋପ ଓ ନିଶ୍ଚୟତା
ଆଜିର ଚିନ୍ତା
ଗୀତ ୪୧:୧-୧୩
ପ୍ରଭରେ ନିର୍ଭାରତା ମୋର ଅନନ୍ତକାଳୀନ ଭରସା ହୋଇଛି କି ?
ଜୀବନର ସବୁ ଅବସ୍ଥା ସମ୍ମାନ ନୁହେଁ । କେତେବେଳେ ଦୁଃଖ, ରୋଗ, ନୈରାଶ ଘେରି ରହିଥାଏ ଓ ଶତ୍ରୁ ଏହା ଦେଖି ଆନନ୍ଦିତ ହୁଏ । ମାତ୍ର ସଦାପ୍ରଭୁଙ୍କ ଉପରେ ନିର୍ଭରତା ଜୀବନର ଗତିପଥ ବଦଳାଇ ଦିଏ ଓ ସେସବୁ ଏକ ଆନନ୍ଦ, ପୁଣି ଅନନ୍ତକାଳୀନ ଭରସାରେ ପରିଣତ ହୁଏ ।
ଏକ ନୀତିଗତ ନିୟମ (୧-୩): ଯେ ବ୍ୟାଧିରେ ଶଯ୍ୟାଗତ ହେବ, ତାକୁ ସଦାପ୍ରଭୁ ଧରି ରଖିବେ ଓ ତାହାର ଶଯ୍ୟା ପରିବର୍ତ୍ତନ କରିବେ । ଦୟାଳୁ ଲୋକେ ଧନ୍ୟ, ସେମାନେ ଦୟାପ୍ରାପ୍ତ ହେବେ (ମାଥିଉ ୫:୭) ଯିଏ ଦରିଦ୍ର ଓ ପୀଡ଼ିତ ମାନଙ୍କୁ ଦୟା ଦେଖାଇଥିବ, ସେ ନିତାନ୍ତ ଦୟା ପ୍ରାପ୍ତ ହେବ (ଦ୍ୱିି. ବିବରଣ ୨୫:୧-୧୧) । ଏଣୁ ଜଣକର ଦୁଃଖର ଦିନରେ ତା' ପ୍ରତି ଦୟାକର, ମାତ୍ର ଶତ୍ରୁମାନଙ୍କ ହସ୍ତରେ ସମର୍ପଣ କର ନାହିଁ ।
ଦାଉଦଙ୍କ ଜୀବନର ତିକ୍ତ ଅନୁଭୂତି (୪-୯): ଦାଉଦ ନିଜ ବ୍ୟକ୍ତିଗତ ଜୀବନର ଦୁଃଖଦାୟକ ଅନୁଭୂତି ସବୁ ବର୍ଣ୍ଣନା କରିଅଛନ୍ତି । ଶତ୍ରୁମାନେ କିପରି ହିଂସାକଲେ, ଘୃଣାକଲେ, କୁମନ୍ତ୍ରଣା କଲେ ଓ ସେ ମୃତ୍ୟୁ ଅପେକ୍ଷା କଲେ, ସବୁ ସେ ଲେଖନ୍ତି (୫-୮) । ମାତ୍ର ନିଜେ କହନ୍ତି, ମୋତେ ଦୟାକର, ମୋ ପ୍ରାଣକୁ ସୁସ୍ଥ କର, ମୁଁ ତୁମ୍ଭ ବିରୁଦ୍ଧରେ ପାପ କରିଅଛି । ଯିହୁଦା କିପରି ଯୀଶୁଙ୍କ ହାତରୁ ରୋଟୀ ଖାଇ ତାଙ୍କର ପ୍ରତି ବିଶ୍ଵାସଘାତକତା କଲା, ସେହିପରି ତାଙ୍କର ନିଜ ଲୋକମାନେ ତାଙ୍କ ପ୍ରତି ବିଶ୍ଵାସଘାତକତା କରିଥିବାରୁ ଦାଉଦ ଦୁଃଖ କଲେ ।
ସଦାପ୍ରଭୁଙ୍କଠାରେ ନିଶ୍ଚିତ ଭରସା (୧୦-୧୩): ବନ୍ଧୁମାନଙ୍କ ବିଶ୍ଵାସଘାତକତା ସତ୍ତ୍ୱେ ପ୍ରଭୁଙ୍କ ଉପରେ ନିର୍ଭରତା ଦାଉଦଙ୍କୁ ତିନୋଟି ବିଷୟ ପ୍ରଦାନ କଲା । ପ୍ରଥମତଃ, ଶତ୍ରୁମାନଙ୍କ ଉପରେ ଜୟଧ୍ୱନି, ଦ୍ଵିତୀୟତଃ ତାଙ୍କର ସରଳତା ହେତୁ ସଦାପ୍ରଭୁ ତାଙ୍କୁ ଧରି ରଖିଲେ (ମାଥିଉ ୫:୮) । ତୃତୀୟତଃ ଅନନ୍ତକାଳୀନ ଭରସାରେ ସେ ହେଲେ ଆଶାନ୍ଵିିତ । ମୋ' ଜୀବନର ଅନୁଭୂତି କଅଣ ?