Faithful Life

 ବିଶ୍ୱସ୍ତତା ଜୀବନ

ବାଇବଲ ଅନୁଯାୟୀ "ବିଶ୍ୱସ୍ତତା" କେବଳ ଏକ ଭାବନା ନୁହେଁ, ବରଂ ଏହା ଏକ ଦୃଢ଼ ସଂକଳ୍ପ ଏବଂ ଭରସାଯୋଗ୍ୟ ପ୍ରତିବଦ୍ଧତା।

'ବିଶ୍ୱସ୍ତତା'ର ଅର୍ଥ

_ବାଇବଲରେ "ବିଶ୍ୱସ୍ତତା" (ହିବ୍ରୁ: 'emunah; ଗ୍ରୀକ୍: pistis) ଶବ୍ଦର ଅର୍ଥ ହେଉଛି ସ୍ଥିରତା, ଦୃଢ଼ତା ଏବଂ ନିର୍ଭରଯୋଗ୍ୟତା।

୧. ଅଳ୍ପ/ସାମାନ୍ୟ ବିଷୟରେ ବିଶ୍ୱସ୍ତତା

ବାଇବଲ ଶିକ୍ଷା ଦିଏ ଯେ ଯିଏ ଛୋଟ ଛୋଟ କାମରେ ବିଶ୍ୱସ୍ତ ରହେ, ସେ ବଡ଼ ଦାୟିତ୍ୱ ପାଇଁ ଯୋଗ୍ୟ ବିବେଚିତ ହୁଏ।

ଲୂକ ୧୬:୧୦ ଯେ ଅତି ଅଳ୍ପ ବିଷୟରେ ବିଶ୍ଵସ୍ତ, ସେ ବହୁତ ବିଷୟରେ ମଧ୍ୟ ବିଶ୍ଵସ୍ତ ଅଟେ, ପୁଣି ଯେ ଅତି ଅଳ୍ପ ବିଷୟରେ ଅବିଶ୍ଵସ୍ତ ସେ ବହୁତ ବିଷୟରେ ମଧ୍ୟ ଅବିଶ୍ଵସ୍ତ।

ଉଦାହରଣ: ଯୋଷେଫଙ୍କ ଜୀବନ। ସେ ଜଣେ କ୍ରୀତଦାସ ଭାବେ ପୋଟୀଫରଙ୍କ ଘରେ ଏବଂ ପରେ କାରାଗାରରେ ଥିବା ସମୟରେ ମଧ୍ୟ ନିଜର ଛୋଟ ଛୋଟ ଦାୟିତ୍ୱକୁ ନିଷ୍ଠାର ସହ ତୁଲାଇଥିଲେ। ଫଳସ୍ୱରୂପ, ପରବର୍ତ୍ତୀ ସମୟରେ ତାଙ୍କୁ ସମଗ୍ର ମିସର ଦେଶର ଶାସନ ଭାର ଦିଆଯାଇଥିଲା। ନିଜର ଦୁଃଖମୟ ଏବଂ କଷ୍ଟ ଜୀବନ ସତ୍ତ୍ୱେ ସେ କେବେ ମଧ୍ୟ ଅଭିଯୋଗ କିମ୍ବା ବାହାନା କରିନଥିଲେ । 

୨. ପରୀକ୍ଷା ସମୟରେ ସ୍ଥିରତା

ବିଶ୍ୱସ୍ତତା ପ୍ରାୟତଃ କଷ୍ଟ ସମୟରେ ପରୀକ୍ଷିତ ହୁଏ। ପରିସ୍ଥିତି ଯାହା ହେଉନା କାହିଁକି, ନିଜର ଆଦର୍ଶ ଓ ପ୍ରତିଜ୍ଞାରେ ଅଟଳ ରହିବା ହିଁ ବିଶ୍ୱସ୍ତ ଜୀବନ ଅଟେ।

ପ୍ରକାଶିତ ବାକ୍ୟ ୨:୧୦ ...ତୁମ୍ଭେ ମରଣ ପର୍ଯ୍ୟନ୍ତ ବିଶ୍ଵସ୍ତ ଥାଅ, ସେଥିରେ ଆମ୍ଭେ ତୁମ୍ଭକୁ ଜୀବନରୂପ ମୁକୁଟ।।ଦେବୁ।

ଉଦାହରଣ: ଦାନିଏଲ। ଯେତେବେଳେ ରାଜାଙ୍କ ବ୍ୟତୀତ ଅନ୍ୟ କାହାକୁ ପ୍ରଣାମ କରିବା ନିଷେଧ ଥିଲା, ସେତେବେଳେ ମଧ୍ୟ ଦାନିଏଲ ନିଜର ବିଶ୍ୱାସରେ ଅଟଳ ରହିଲେ। ସିଂହ ଗାତରେ ନିକ୍ଷେପ ହେବା ଭୟ ସତ୍ତ୍ୱେ ସେ ଈଶ୍ବରଙ୍କ ପ୍ରତି ବିଶ୍ୱସ୍ତ ରହିଥିଲେ।

୩. ସାଧୁତା ଓ ନିର୍ଭରଯୋଗ୍ୟତା

ଜଣେ ବିଶ୍ୱସ୍ତ ବ୍ୟକ୍ତି ସର୍ବଦା ନିଜ କଥା ରକ୍ଷା କରନ୍ତି। ତାଙ୍କର "ହଁ" ର ଅର୍ଥ "ହଁ" ଏବଂ "ନା" ର ଅର୍ଥ "ନା" ଅଟେ। ସେ ସମାଜ ଓ ପରିବାରରେ ଜଣେ ଭରସାଯୋଗ୍ୟ ବ୍ୟକ୍ତି ଭାବେ ଜଣାଶୁଣା।

ମାଥିଉ ୫:୩୭ କିନ୍ତୁ ତୁମ୍ଭମାନଙ୍କ ହଁ କଥା ହଁ ହେଉ, ନା କଥା ନା ହେଉ; ଏଥିରୁ ଯାହା ଅଧିକ, ତାହା ମନ୍ଦରୁ ଜନ୍ମେ।

ଉଦାହରଣ: ରୂତ। ସେ ନିଜ ଶାଶୁ ନୟୋମୀଙ୍କ ପ୍ରତି ଅତ୍ୟନ୍ତ ନିଷ୍ଠାବାନ ଥିଲେ। କଷ୍ଟ ସମୟରେ ମଧ୍ୟ ସେ ନିଜର ପ୍ରତିଜ୍ଞା ରକ୍ଷା କରିଥିଲେ ଏବଂ କହିଥିଲେ, "ତୁମ୍ଭର ଲୋକେ ମୋର ଲୋକ ହେବେ ଏବଂ ତୁମ୍ଭର ଈଶ୍ବର ମୋର ଈଶ୍ବର ହେବେ।"

୪. ଦତ୍ତ ଦାୟିତ୍ୱର ସଦୁପଯୋଗ

ଈଶ୍ବର ଆମକୁ ଯେଉଁ ସମୟ, ଦକ୍ଷତା ଏବଂ ସମ୍ପଦ ଦେଇଛନ୍ତି, ତାହାକୁ ସଠିକ୍ ଭାବେ ବ୍ୟବହାର କରିବା ହେଉଛି ବିଶ୍ୱସ୍ତତା। ଆମକୁ ଦିଆଯାଇଥିବା ଭୂମିକାକୁ ନିଷ୍ଠାର ସହ ତୁଲାଇବା ଏହାର ମୂଳ ଲକ୍ଷ୍ୟ।

୧ କରିନ୍ଥୀୟ ୪:୨ ଆଉ, ଭଣ୍ତାରଘରିଆ ବିଷୟରେ ଏହା ନିତା; ଆବଶ୍ୟକ, ଯେପରି ସେ ବିଶ୍ଵସ୍ତ ଦେଖାଯାଏ।

ଉଦାହରଣ: ତୋଡ଼ା ଦୃଷ୍ଟାନ୍ତ । ଯେଉଁ ଦାସମାନେ ସେମାନଙ୍କୁ ଦିଆଯାଇଥିବା ସମ୍ପଦକୁ ବୃଦ୍ଧି କରିଥିଲେ, ପ୍ରଭୁ ସେମାନଙ୍କୁ "ଉତ୍ତମ ଓ ବିଶ୍ୱସ୍ତ ଦାସ" ବୋଲି ପ୍ରଶଂସା କରିଥିଲେ। ଏହା ଦର୍ଶାଏ ଯେ ଆମକୁ ମିଳିଥିବା ସୁଯୋଗ ଓ ଦକ୍ଷତାର ସଠିକ୍ ବ୍ୟବହାର କରିବା ହିଁ ବିଶ୍ୱସ୍ତତା।

୫. କର୍ମରେ ବିଶ୍ୱାସର ପ୍ରତିଫଳନ

ବାଇବଲ କୁହେ ଯେ "କର୍ମ ବିନା ବିଶ୍ୱାସ ମୃତ"। ତେଣୁ ଜଣେ ବିଶ୍ୱସ୍ତ ବ୍ୟକ୍ତିଙ୍କ କାର୍ଯ୍ୟ ସର୍ବଦା ତାଙ୍କର ବିଶ୍ୱାସ ସହିତ ସମାନ ରହିଥାଏ।

ଯାକୁବ ୨:୧୭ ସେହିପରି ମଧ୍ୟ ବିଶ୍ଵାସ, କର୍ମ ବିନା ନିଜେ ମୃତ।

ଉଦାହରଣ: ନୋହ। ସେ କେବଳ ଈଶ୍ବରଙ୍କ କଥାରେ ବିଶ୍ୱାସ କରିନଥିଲେ, ବରଂ ଅନେକ ବର୍ଷ ଧରି ପରିଶ୍ରମ କରି ଏକ ବିରାଟ ଜାହାଜ ନିର୍ମାଣ କରିଥିଲେ। ତାଙ୍କର ଏହି କାର୍ଯ୍ୟ ହିଁ ତାଙ୍କ ବିଶ୍ୱସ୍ତତାର ପ୍ରମାଣ ଥିଲା।

ଧନ୍ୟବାଦ୍

Stephenson Sunani