One Answer for All!!!
ପଠନ: ଫିଲିପ୍ପୀୟ ୪:୧୫-୨୦
ପୁଣି, ମୋହର ଈଶ୍ୱର ଖ୍ରୀଷ୍ଟ ଯୀଶୁଙ୍କଠାରେ ତାହାଙ୍କର ଗୌରବମୟ ଐଶ୍ୱର୍ଯ୍ୟ ଅନୁସାରେ ତୁମ୍ଭମାନଙ୍କର ପ୍ରତ୍ୟେକ ଅଭାବ ପୂରଣ କରିବେ (ଫିଲିପ୍ପୀୟ ୪:୧୯)
ବାପା ମୋତେ ଦଶ ଟଙ୍କା ଦେବ କି?' ବାପା ମୋତେ ଏ ଅଙ୍କ ଟା ଆସୁନି, ଟିକେ ବତେଇ ଦେବ କି ? ' ବାପା ମିସରର ରାଜଧାନୀର ନା କଣ? ବାପା,ମୁଁ କ୍ରିକେଟ ଟିମ୍ ରେ ସ୍ଥାନ ପାଇଲିନି? ମୋ ପୁଅର ଏହି ପ୍ରଶ୍ନ, ଅନୁରୋଧ ଓ ଅଳିଅର୍ଦ୍ଧଳୀର କିଛି ସୀମା ନ ଥାଏ । ନର୍ସରୀରେ ପଢ଼ିବା ସମୟଠାରୁ ବର୍ତ୍ତମାନ ସେ ବିବାହ କରି ସାରିବା ପରେ ମଧ୍ୟ ସବୁ ବିଷୟରେ ସେ ମୋର ସାହାଯ୍ୟ ଲୋଡ଼େ । କେତେକ ବିଷୟରେ ମୁ ତା' ର ସାହାଯ୍ୟ କରିପାରେ । କିନ୍ତୁ କେତେକ ସମସ୍ୟାର ସମାଧାନ ମୁଁ କରିପାରେ ନାହିଁ ବା, ସେଥିନିମନ୍ତେ ମୋ' ପାଖରେ ସମ୍ବଳ ନ ଥାଏ । ତେବେ ମୁଁ ଜାଣେ ଯେ , ଈଶ୍ୱର ଆମର ସମସ୍ତ ଆବଶ୍ୟକତା ପୂରଣ କରନ୍ତି (ଫିଲି ୪:୧୯) । ସେ ଜାଣନ୍ତି ଯେ, କେଉଁ ବିଷୟଗୁଡ଼ିକ ଆମେ ପ୍ରକୃତରେ ଆବଶ୍ୟକ କରୁ ଓ କେଉଁ ଗୁଡ଼ିକ ନୁହେଁ । ଅନେକ ସମୟରେ ଆମର ମନେ ହୁଏ, କେହି ଆମ ବିଷୟରେ ଚିନ୍ତା କରୁନାହାନ୍ତି ।
ସେତେବେଳେ ଯୀଶୁ କୁହନ୍ତି, "ମୁ ତୁମକୁ ପ୍ରେମ କରେ" (ଯୋହନ ୧୫:୧୨-୧୩) କ'ଣ କରିବୁ, ଜାଣି ନ ପାରିବା ସମୟରେ ଈଶ୍ୱର କହନ୍ତି ଯେ, ସେ ଆମକୁ ପଥ କଢାଇ ନେବେ (ଗୀତ ୪୮:୧୪) । ଯେତେବେଳେ ଆମେ ନିଜ ପାପ ସ୍ୱୀକାର କରୁ ଓ କ୍ଷମା ଚାହୁଁ, ସେ କହନ୍ତି ଯେ, ତାହା କ୍ଷମା କରିବାକୁ ଓ ସମସ୍ତ ଅର୍ଧମରୁ ଆମକୁ ପରିଷ୍କାର କରିବାକୁ ସେ ବିଶ୍ୱସ୍ତ ଓ ନ୍ୟାୟବାନ ଈଶ୍ୱର ଅଟନ୍ତି (୧ ଯୋହନ ୧:୯) । ସ୍ବର୍ଗସ୍ଥ ପିତା ଚାହାନ୍ତି, ଆମେ ଆମର ସମସ୍ତ ଚିନ୍ତା ଓ ଅନୁରୋଧକୁ ତାହାଙ୍କ ବାକ୍ୟ ମଧ୍ୟ ଦେଇ ତାହାଙ୍କ ନିକଟକୁ ଆଣୁ । ସେ ଆପଣା ନିକଟରେ ସତ୍ୟ ଭାବରେ ପ୍ରାର୍ଥନାକାରୀ ସମସ୍ତଙ୍କ ନିକଟବର୍ତ୍ତୀ ଅଟନ୍ତି ଓ ଯେ ତାଙ୍କ ନିକଟକୁ ଆସେ, ସେ କଦାପି ବିଫଳ ବା ହତାଶ ହୁଏ ନାହିଁ (ଗୀତ ୧୪୫ : ୧୮-୨୦) ।
Actually
ReplyDelete👌👌👌
ReplyDeleteYaa nice verse thanks for this,but sorry to say that there is spelling mistake.
ReplyDeleteAbasyaka-sa spelling is mistaken
Congratulations my dear brother and sisters for 4months of this your team work,,for which we are blessed to know clearly about bible study and real meaning of a believer of Christ.😊👍
ReplyDelete