ନୂତନ ସ୍ଵଭାବ ପାଇଁ ଆହ୍ଵାନ
ଲୂକ ୩:୧୦-୨୨
ଆଜିର ଚିନ୍ତା
ମୁଁ ନୂତନ ସ୍ଵଭାବ ଧାରଣ କରିବା ପାଇଁ ସକ୍ଷମ ହୋଇ ପାରିଛି କି?
ଡୁବକ ଯୋହନ ଜଣେ ଧାର୍ମିକ ଓ ପବିତ୍ର ବ୍ୟକ୍ତି ଥିଲେ । ସେ ଯୀଶୁଙ୍କଠାରୁ ବୟସରେ ବଡ ଥିଲେ । ସେ ଯୀଶୁଙ୍କୁ ବାପ୍ତିସ୍ମ ଦେଇଥିଲେ । କିନ୍ତୁ ନିଜକୁ ନାମର କରି ଯୀଶୁଙ୍କ ଅଗମନର ସ୍ପଷ୍ଠ ପରିଚୟ ପ୍ରଦାନ କରିଥିଲେ । ବହୁ ବର୍ଷ ଧରି ଲୋକମାନେ ମସୀହଙ୍କ ଆଗମନର ଅପେକ୍ଷାରେ ଥିଲେ । ଲୋକମାନେ ଯୋହନ ଡୁବକଙ୍କୁ ଖ୍ରୀଷ୍ଟ ଭାବି, ତାଙ୍କ ସମ୍ବନ୍ଧରେ ତର୍କବିତର୍କ କରୁଥିଲେ । ଯୀଶୁଙ୍କୁ ଶ୍ରେଷ୍ଠ ସ୍ଥାନ ଦେଇ ମୁଁ ଖ୍ରୀଷ୍ଟ ନୁହେଁ ବୋଲି ଯୋହନ ପ୍ରକାଶ କରିଥିଲେ ।
ପରିତ୍ରାଣ ଏବଂ ନୂତନ ଜୀବନ:ଯୋହନଙ୍କ ଶିକ୍ଷା ଥିଲା ଜଗତର ବିଚାର ନିମନ୍ତେ ଈଶ୍ବର ଆପଣା ପୁତ୍ରଙ୍କୁ ଜଗତକୁ ପ୍ରେରଣ ନ କରି ଜଗତ ଯେପରି ତାହାଙ୍କ ଦ୍ଵାରା ପରିତ୍ରାଣ ପ୍ରାପ୍ତ ହୁଏ ଏଥିପାଇଁ ତାହାଙ୍କୁ ପ୍ରେରଣା କଲେ। ପାପ ସ୍ୱୀକାର କରି ପରିତ୍ରାଣ ପାଇବା ପାଇଁ ସୁଯୋଗ ଆସିଛି। ଏହାକୁ ହାତ ଛଡା କରିବା ଉଚିତ୍ ନୁହେଁ। ଲେଖାଯାଏ ସୁଯୋଗର ସଦ୍ ବ୍ୟବହାର କର (ଏଫିସୀୟ ୫:୧୨)। ଯୀଶୁ ଆମର ପାପ ନିଜର ଶାରୀରରେ ବହନ କରିବା ପାଇଁ ଜଗତକୁ ଆସିଥିଲେ । ସେଥିପାଇଁ ବାକ୍ୟରେ ଲେଖାଯାଏ "ଏହି ଦେଖ ଈଶ୍ବରଙ୍କ ମେଷଶାବକ ଯେ ଜଗତର ପାପ ବହି ନେଇ ଯାଆନ୍ତି" (ଯୋହନ ୧:୨୯)। ପାପରୁ ଉଦ୍ଧାର ପାଇବା ପାଇଁ ଯୋହନଙ୍କର ପ୍ରଚାର ଅନେକ ଲୋକମାନଙ୍କୁ ପରିବର୍ତ୍ତନ ଏବଂ ପ୍ରଭାବିତ କରିଥିଲା। ଅନ୍ୟମାନଙ୍କ ପାଇଁ ଚିନ୍ତା କରିବା ପାଇଁ ଏବଂ ଅନ୍ୟମାନଙ୍କ ପାଇଁ ମନଯୋଗୀ ହେବା ପାଇଁ ସେ ଉତ୍ତମ ପରମର୍ଶ ଦେଇଥିଲେ। ଅନ୍ୟାୟ କରିବ ନାହିଁ ଅନ୍ୟମାନଙ୍କୁ ସାହାଯ୍ୟ କରିବ ଏବଂ ନିଜର ଯାହା ଅଛି ସେଥିରେ ସନ୍ତୁଷ୍ଟ ରହିବା ସେ ଏହିପରି ଅନେକ ଉପଦେଶ ଦେଇ ଲୋକମାନଙ୍କ ନିକଟରେ ସୁସମାଚାର ପ୍ରଚାର କରୁଥିଲେ।
ପାପର ଜୀବନ ଦଣ୍ଡ ଆଣିଥାଏ: ପାପମୟ ଜୀବନ କୁ ଅଗାଡି ସହ ତୁଳନା କରାଯାଇଛି। ଲୋକମାନଙ୍କ ଜୀବନରେ ଥିବା ପାପକୁ ସେ ପ୍ରକାଶ କରିବା ପାଇଁ ଭୟ କରୁ ନଥିଲେ। ଯୋହନ ହେରୋଦଙ୍କୁ ତାଙ୍କର ଦୁଷ୍କର୍ମ ବିଷୟରେ ଅନୁଯୋଗ କରିଥିଲେ। ସେଥିପାଇଁ ତାଙ୍କୁ କାରାବରଣ କରି ମୃତ୍ୟୁଭୋଗ କରିବାକୁ ପଡିଥିଲା। ଯୀଶୁ ଧାର୍ମିକ ଓ ନ୍ୟାୟ ବିଚାର କର୍ତ୍ତା ଅଟନ୍ତି। ପାପକୁ ସ୍ୱୀକାର କରି ଛାଡିଲେ ଆମେ ଈଶ୍ବରଙ୍କ ଦଣ୍ଡରୁ ରକ୍ଷା ପାଇ ପାରିବା ପୁଣି ନୂତନ ସ୍ଵଭାବ ଧାରଣ କରି ପାରିବା।
Source: ଦୈନିକ ଆହାର